Popular Bible Verses from Matiyu 24

Share

Yumamu gid aban ti kadautan nakan ti kayamuan tawu manramig kay pagmahal. Dapat tigpakarig-un hanggan tugka sa katapusan imaw ti maribri.

Itudlu dapu sa bilug kalibutan ti Mayad pag Barita tungkul sa kay paghari Diyus hampay lalu maalaman tanan nasyun. Bag-u di rumas-ug ti katapusan.”

May madnugan kamu aban manga barita tungkul sa gira una sa arani una sa arayu. Dapat danga kamu magkaaburidu. Pihu mangyari tunda, dapat balaw waya tunda ti katapusan.

Manlalabanan ti parihu banwa, hanggan ti parihu kaharian. May lun-us, may manga linug sa tuhay-tuhay pag rugar. Ti tanan tunda imaw yi ti umpisa di waya manga kakurian.

Madura di aban ti langit hanggan ti daga, dapat kang manga bagaw dayu pumalya.”

Dahil mayamu ti sumitay mag-apu kang ngaran magsabi, ‘Aku ti Pinili Diyus Manugribri pag Hari.’ Mayamu kanda patalangun aban.

“Sa ati pag manga sirang aban, dakpun kamu hampay pakurian ag matyun. Kagalitan kamu tanan tawu dahil sa kanyu pakiusa sa kangku. Mayamu ti umalinlangan sa kanda pagsarig bag-u mangalagalitan sa usa kag sa usa. Pumakampi ti iba sa kalaban bag-u itudlu ngap nida kanda kaparihu. Mayamu aban ti pumabalhinguun kuntay purupita bag-u patalangun nida ti kayamuan.

Nagsagut si Hisus magkun, “Pag-aman gid kamu hampay kamu balaw mapatalang una hintay pag tawu.

Nakan ngani kailangan pirmi kamu alistu dahil rumas-ug ti Anak Tawu pagka udyi kanyu pag-isipun.”

Nakan pag daan kamu alistu, dahil unman niyu alam ti sirang ngatay udas pagras-ug niyu Panginuun.

Sinabi ni Hisus magkun, “Dapat unman may tawu umalam nu kapira tunda pag mangyari aban una kay sirang, una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Kay pagras-ug Anak Tawu parihu aban sa kay nangyari sa nagkagunaw kaybi sa ati katpung sa kan Nuwi. Ati katpung magkaun mag-inum diman ti manga tawu, magpangarasawa ag pag-ipaasawa hanggan sa udwaya nagsakay si Nuwi sa kay barku. Nagras-ug ti gunaw unman nida namalayan, inanud sida tanan-tanan. Katunda diman ti mangyari aban sa kay pagras-ug Anak Tawu.