Popular Bible Verses from Matiyu 18

Share

Dahil una naan nu may duwa una tulu ka tawu magtiripun ag magpasakup sa kangku, siyun diman aku kaibahan nida.”

“Ungud duy kang pagsabihun sa kanyu, nu ti duwa sa kanyu sitay sa babaw daga magkausa sa una hintay pag bagay kanyu idarangin, tupadun tunda sa kanyu niku Ama sa langit.

Kan Hisus tinawag ti usa ka anak kay ipinatindug sa kanda atubangan. Magkun siya, “Ungud duy kang pagsabihun sa kanyu, nu unman umanun kanyu buut ag pumarihu sa manga anak, unman gid makapasakup kamu sa kaharian langit.

Nakan ti tawu nu magpakumbaba parihu sa inda pag anak, siya yi ngani ti mataas sa kaharian langit.

Una hintay tigtanggap sa tawu mapinakumbabaun ga anak dahil sa kangku, aku yi ngap kay tinanggap.”

“Ungud duy kang pagsabihun sa kanyu, ti ginapus niyu sitay sa babaw daga, gapusun hanggan sa langit. Ti linbadan niyu sitay sa babaw daga, lubadan hanggan sa langit.

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Sinabi ni Hisus, “Dapat una si unu pag tawu ti pun-an kasalanan manga dariit anak magsarig sa kangku, mayad waya bitinan kay liug galingan batu bag-u ilagpak sa abasad pag dagat.

“Hintay nguna sa kanyu isip ti buwatun usa ka tawu may usa ka gatus karanidu, nu nagtalang kay usa? Unman aw lugud kay lang tayakan ti siyampulu may siyam ka bilug karanidu magharab sa kabantudan hampay kay ligawun ti nagtalang?