Popular Bible Verses from Matiyu 13

Share

Ti nipamgas sa mayad pag daga ipinahalimbawa sa manga magpatingi sa Bagaw Diyus bag-u kanda pag-intindihun. Nagburak sida may tigmananggatus, may tig-unumpulu, may tigtatlumpulu.”

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Ti ipinahalimbawa sa binhi nipamgas sa mabatu ag manipis pag daga, tunda ngani ti manga nagpatingi sa Bagaw Diyus bag-u masulung mana kanda naisipan susun yi kanda tinanggap. Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Magkun si Hisus, “Ti kaharian langit parihu sa yaman nakalubung sa usa ka tanman. Nakutkut tunda usa ka tawu bag-u kay dap maan tinabunan. Sa daka pag kabayaan niya nag-ati siya ipinabili niya ti tanan niya pag kasiyunan bag-u kay binili tunda pag tanman.”

Dapat ay kay iba binhi nipamgas sa mayad pag daga nanguhay, kay butir sa kada uhay may tigmananggatus, may tig-unumpulu, may tigtatlumpulu.

Pabay-ani lang niyu parihu magdaka hanggan sa ud tig-arani. Sa udas tig-arani aban sabihun niku sa manga manug-ani, “Tumpuka dap niyu ti manga ilamnun bag-u bugkusa niyu hampay sunugun sa apuy. Bag-u tipuna niyu ti tirigu sa kang balay haramnuan.” ’ ”