Popular Bible Verses from Romye 14

Share

Gələ həmne da Həmɨnpwa aa byelə sɨzɨmtɨ kwaamə ka shi soɓwo. Shezə gə nzaa pepetə, ɗoltə ka hanɨngtə dɨ haka Pitɨ Ɗəmɗəmtə. Gəkɨlə nagi ndo ma dɨ koddə Ma Həmɨnpwa a Yaɓwarən, dɨ ɗa wule shi-pepeyingɨn, haa ɓa nɨngə Həmɨnpwa kan. Ɓwaare mgban ɓa mwakan.

Nagi a nzaasəm ganə a vɨratə, gə le da Həmɨmiye mya nzam, nagi mya mbərəm, mya mbərəm gə le da Həmɨmiye. Gə-angɨn nagi mya gəm ka myentə nagi mya mbərəm, hɨm hɨnggə Həmɨmiye nə.

Gə ləngɨn, maa hɨm a ɓərəm ta ɗam shee ɓa shi ka nzaa ɗoltə, hɨm ta nyerəmdəsə.

Gə ləngɨn ɓe myaa yə ɓashiyəməsə. Ndɨka mya səɗəm ka yedingəm a nə sa kana mya ɗam. Ɓe ɗa sa ɓa ɗɨkdə nzə-nuwogu nda pawo a fukə, naasə mgban ɓe gən fara pawti.

Həmɨmiye a boyə vor Malɨmtɨ Ɗəmɗəmtə atɨ, “Hɨn gbə ka myenshi atɨ, nagi ndo ma kat ɓa gyerə humwashi, nagi ndo ma kat ɓa boyo bwang atɨ hɨnə Həmɨnpwa.” Gə-angɨn, nagi ndo ma ɓa bwe sa nda ɗa kat a humwa Həmɨnpwa.

Luwom ma mwadiyale dan aa nyerə, nda gə wakasəwnə ɓe myaa ndəltən ka ləməgye a nə sa ndi ɓa ɗa, ka wule sa ndaa dɨ ɗa.

Hyenə wonə, hye ɓa ɓə ɓashiyə nzə-hwoda ama? Nzə-hwoɗingɨn nee ka həmɨ-hwoɗye kan, həmɨ-hwoɗingɨn nə ɓa bɨldən anda nzə-hwodan kangə ɗan lyentə pepe, naasə mgban sɨnə ɓa lɨbadən. Mangɨn ɓa kangə gəkɨlə Həmɨmiye ɓa gwadən nda kangə kpəkəkə.