Popular Bible Verses from Romye 1

Share

Sopi ləmə feme da Həmɨnpwa aawa gi, gəkɨlə gəta Həmɨnpwa nə dɨ shi ka mbəha zə haka ma mwadiyale, a kwamətə Yawude, dɨ bee zə haka myee aa Yawude.

Gə dɨ ha ləmə feme Həmɨnpwa a bɨldə gəəte nda gəədə ɓwaare mi pepeyi a humwasən. Angɨn a dɨ ɗaasə dɨ ha mwadiyale dɨ tiyatə zə kpawtə. Ɓətɨ mya doro atɨ, “Ma kat ma pepeyə ɓa ɗɨm myente kaaru-kaaru di ha mwadiyale.”

Gələ, ite Həmɨnpwa a kwak vɨratə a tiyatə, nagi nda ɓwaare aa naa Həmɨnpwa ka diingrən, kat ka angɨn nda bɨldə gətɨ dan ite aawa mbəə bwang. Nda bɨldə nəngɨn ɓətɨya nda gə dɨ ha shee nda ɗa, gələ ɓe ɓwaare aa ɗɨm mgbaala tən ɓa vədən a nə səhase darən.

Nagi a nə sate atɨ ɓwaare lee Həmɨnpwa, kat ka angɨn tənaa ndukodən ɓətɨya kana təna ndukodən, tənaawa ɗan usəkətə. Ɗyangale darən a virwo, kwa-hubosərən a gə kulit gə dɨɗəwne darən.

Təna mɨndə diyale da Həmɨnpwa jeronyi. Təna mɨnə ta koɗə wule shee Həmɨnpwa a ɗatɨrən ta kalarən-gbəətə ta ɗa shingɨn kɨsawna kana təna ɗa Həmɨnpwa. Sɨnə ka ɓondiha kaaru-kaaru. Amin.

Həmɨnpwa nee dɨ bɨldə yedi-kɨttɨ dan dɨ vor pwa a nə myee ka ɗongə kala Həmɨnpwa kat ka ji-kwakaɗɨkatə, a wule myee dɨ mbɨɗə diyale dɨ ha lyentɨ kwakaɗɨkatɨ darən, a wule lyentɨ hatte təna dɨ ɗa.

Gəkɨlə ləngɨn Həmɨnpwa a gɨsə a ɗakarən ɗəng a vor wule sɨsopye təna dɨ ɗa a vor kadawo sharawne darən. Mandye ta ɨl ndeyingrən mandi ta bi kaarən. Sə mgban, morye a ɗaka mandingrən a pɨrə ɨl ndeyingrən moryi ta bi kaarən. A vor gunamtɨngɨn morye a pɨrə ɨl morye, taayə sopi də, Həmɨnpwa mgban a ɗarən sɨgbəɗi moonə səhase darən. Gələ təna kwo lee Həmɨnpwa, səngɨn ɗa mgban Həmɨnpwa a gɨsə a ɗakarən a vor hubo gunamtɨ darən, gələ təna pɨrə humwa ta ɗa shee aa kana.

Təna ngguro atɨ tən lele, shezə tən dəɗi, ɓə nda kana təna kala Həmɨnpwa gbəətə ndi ma ka myentə kaaru-kaaru. Təna mɨndə fukata Həmɨnpwa ta kala shi ɓaye gbəətə a wule 'ye mya ɗatɨrən təna pasa ɓwaare, ka ɓakarye ka mbiɗitɨ sɨgɨrtə kat ka shi-fow yedye.