Popular Bible Verses from 2 Korintiye 5

Share

Gə ləngɨn mgban ma kat hɨnggə Ma Həmɨnpwa a Yaɓwarən nə, Həmɨnpwa mɨndən ma hwelə. Shi 'yerye pɨrə kat, shi hwelye dɨma!

Həmɨnpwa a ɗɨkdən ndi ma taa səhasə kan, nda nggur səhase a sɨsən gə le dam gə hɨm a ɗɨməm pepeta Həmɨnpwa dɨ hakan.

Nzaa mwadiyalə hina nza gəngnə, aa gə nzaa naa dii.

Shingɨn kat Həmɨnpwa nə ɗatɨrən, sɨnə ma mɨnadəm a hakan dɨ haka Ma Həmɨnpwa a Yaɓwarən. Sɨnə mgban vəm lyentɨnə gə hɨm a mɨnamdə mbiɗitɨ ɓwaare a haka Həmɨnpwa. Həmɨnpwa nə dɨ mɨnadə mi vɨratə kat a hakan dɨ haka Ma Həmɨnpwa a Yaɓwarən. Ndaawa kɨt səhase da ma a hubosən. Nda venə ləməgi mɨnadə ɓwaare a hakan.

Gə ləngɨn mgban hinə ji-tɨfə a moonə Ma Həmɨnpwa a Yaɓwarən, angɨn nə ɓətɨgə Həmɨnpwa nə dɨ nyisə ɓwaare dɨ hakenə. Hin mgban hinə dɨ nyisəwnə a vor kwakɨ Ma Həmɨnpwa a Yaɓwarən, viriwam mɨnam a haka Həmɨnpwa.

Yesu a mbɨrə gə le da ɓwaare kat, gə myee luu myentɨ hweltə dɨ hakan ɓe tənaa yə nza nənəngrən, tən ɓawa ɗa sa Yesu a dɨ mwo, ndi ma mbɨri maɗi gə le darən. Hinaa yə mɨna nggur wule lelə vɨratɨnə a nidə ɓwaare kan. Gə kɨnɨnɨng hina dɨ kana Ma Həmɨnpwa a Yaɓwarən ka wule ji-lelə vɨratɨngɨn, ɓəgəng aa yə sə hina leerən.

Gələ mwoha da Ma Həmɨnpwa a Yaɓwarən nə ɗɨkdəm mya ɗam sa mya dɨ ɗam gə hin mwaka sate atɨ ɓwaara hiɗə mbɨri gə le da ɓwaare kat, sə mgban ɓwaare kat a mbərə.