Popular Bible Verses from Marku 6

Share

Häi sanoi heile: «Läkkiä minunke yksinäzeh kohtah da huogavukkua vähäine.» Tulijua da menijiä oli äijy, i opastujat ei ehtitty ni syvvä.

Iisus sanoi heile: «Nikus muijal Jumalan iänenkandajua ei paheksita, ku vai omas linnas, omien keskes da omas kois.»

Venehespäi nostes Iisus nägi sie äijän rahvastu. Hänele rodih žiäli heidy, ku hyö oldih kui lambahat paimoittah. Häi rubei heidy opastamah i opasti äijäh dieloh.

Häi ei voinnuh luadie sie ni yhty suurdu ruaduo; vai erähii voimattomii piästi, ku pani käit heijän piäle. Häi kummeksii rahvahan uskomattomuttu. Sit käveli kyläspäi kyläh da opasti rahvastu.

Sit Häi otti net viizi leibiä da kaksi kalua, kačoi yläh taivahah da kiitti Jumalua. Häi lohkai leivät da andoi palat opastujile juattavakse rahvahale. Muga Häi jagoi kaikile net kaksi kaluagi. Kaikin syödih kylläl, i jiännytty palua kerättih kaksitostu täytty viršii, dai kaluagi jäi.