Popular Bible Verses from Matfei 27

Share

I läs yheksätty čuassuu Iisus kirgai äijäl: «Eli, Eli, lama sabahtani?» Se on: ‘Jumaloini, Jumaloini, mindäh Minuu hylgäit?’

Juuri sil aigua jumalankoin keskuszuavessi rebii kahtekse ylähänpäi alahah suate. Mua särizi, kallivot hallettih, kalmat avavuttih, i äijien kuolluzien jumalanuskojien rungat elavuttih.

Sit Iisus vie kerran kirgai äijäl i andoi hengen.

No konzu suanpiällikkö da net, kudamat hänenke vardoittih Iisussua, nähtih muan särizendy da midä muudu vie rodih, hyö äijäl pöllästyttih da sanottih: «Tämä tottu oli Jumalan Poigu!»

Kuvvendel čuasul, puolenpäivän aigua, kaikel mual rodih pimei, i sidä pimiedy kesti yheksändeh čuassuh suate.

Pilat kyzyi: «A midä sit minul pidäy luadie Iisusale, kudamua sanotah Messiekse?» Hyö kaikin vastattih: «Nuaglittahes ristah!» Sit muaherru sanoi: «Midä pahua häi luadii?» No hyö kirruttih vie enämbäl: «Nuaglittahes ristah!»