Popular Bible Verses from Juakoin kirjaine 1

Share

Vellet, olgua vai hyväs mieles, konzu puututto mittumihtahto muanituksih. Työhäi tiijättö: konzu teijän usko opittelendois pyzyy lujannu, se nostattau tirpandua.

No gu keltahto teis ei täydyne mieldy, pakikkah sidä Jumalal, i hänele annetah. Jumalhäi andau kaikile tävvel käil da soimuamattah.

Tiijäkkiä se, armahat vellet, jogahizel pidäy olla herkänny kuulemah, no ei pie huolittua paginas, ei huolittua vihas

Tirpandu vedäkkäh oman ruavon loppuh suate, gu työ olizitto kaikelleh vadrastunnuot, a etto olis vajuat nimis.

Luajikkua, kui käsköy sana, älgiä olgua vaiku kuundelijoinnu – eiga muanivutto.

Ozakas on se, kudai muanituksis kestäy. Opindan kestettyy häi suau voittovenčakse elaijan. Ižändy uskaldi sen niilöile, kudamat Händy suvaijah.

Joga hyvä andamine da joga tävvelline lahju tulou ylähänpäi, taivahan valgieloin Tuataspäi, kudaman luo ei muutu ni mi, da valgei ei hämärdy.

Ken vai kuundelou sanua, no ei luaji sidä myö, se on kui mies, kudai zirkalos kaččou omii rožii. Kačondas kaččou, lähtöy iäre i unohtau kerras, mittuine häi oli.

Puhtas, Jumalan da Tuatan silmis vijatoi jumalahizus on se, gu pidiä huoldu armoittomis da leskis, konzu heil on paha, da kaččuo iččie, gu muailman pahus ei tartus sinuh.

Älgäh niken, ken puuttuu muanituksih, sanokkah: «Jumal minuu muanittelou.» Jumalua ei voi muanitella paha, eigo Häi iče muanittele nikedä. Jogahistu muanittau hänen oma himo; se händy vedäy da kuhkuttau.

Alembaine velli löyhkäkkäh sil, gu on korgei