Popular Bible Verses from Паволонь сёрмазо Галатияв 5

Share

А вана Оймеялтось чачты-касты вечкема, кеняркс, седейоймамо, цидярдома, парочи, чевте седей, кемевиксчи, сэтьмечи, прянь кирдема. Нетнень каршо кодамояк кой а моли.

Мон вана мезде кортан: свал эрядо Пазонь Оймеялтонть ветямонзо-мереманзо коряс, ды сестэ тынь а карматадо топавтомо пежетев обуцянк мелензэ.

Бути минь эрятано Оймеялтонть вельде, сестэ миненек эряви теемскак Оймеялтонть ветямонзо коряс.

Сеть, конат Христосонь ломанть, крёст лангс вачкодизь эсест пежетев обуцяст весе эсь визьксэнь мелест ды бажамост марто.

Ломанень пежетев обуцянть тевензэ весень сельме икеле: те – мирде эли ни икеле авидечи, усксевемат-ускурямот, аванькс бажамот, визьксэнь тевть, аволь алкуксонь пазнэнь сюконямо, мунямо-орожиямо, ятокс улема, сёвномат, вардонь сельмексчи, кеж, кенгелямот-покордамот, пелькстамот-спорямот, явномат, кежень кирдема, маштомат, симнемат, азаргалемат ды лият нетнень кондят минеть-сюнот. Мон икелеяк тенк кортынь ды нейгак таго кортан: кияк истя теицятнень эйстэ а совави Пазонть Инязорксчинтень.

Тынк жо, кемиця ялган, Пазось тердидизь олячис. Ансяк те олячинть илинк тее эсенк пежетев обуцянь мельтнень топавтомакс. Мекевланк, вечкезь важодеде вейкенк-вейкенк туртов.

Се, мезе мелезэ теемс тынк пежетев обуцянть, моли Оймеялтонть каршо. Се жо, мезе мелезэ теемс Оймеялтонть, моли тынк пежетев обуцянть каршо. Сынь свал тюрить карадо-каршо. Тень кувалт тыненк а тееви истя, кода эряволь теемс меленк коряс.

Эдь Коень весе вешематне кирдевить неть валтнэсэ: «Вечкть малавиксэть кода эсь прят».

Секскак а карматано эсь прянь покшкавтнеме, вейке-вейкень ацирьгавтнеме, вейке-вейкень лангс сельмень сявадстомо.

Христос олякстомтымизь минек олячис. Истя, аштеде кеместэ ды илинк тонговто прянк мекев урексчинть ашкос!