Popular Bible Verses from Паволонь сёрмазо Эфесэв 6

Share

Эдь минь тюртяно аволь ломантнень каршо, мекевланк, оймеялтонь апаро прявтнэнь ды азорксчитнень каршо, те чопода пингень ветицятнень ды менелень зыянов вийтнень каршо.

Тень тееде эрьва кодамо озномасо ды энялдомасо. Свал ознодо, кода тынк терди-кармавты Оймеялтось. Секскак уледе эрязат ды апак лотксе энялдодо Пазонь весе ломантнень кисэ.

Оршынк ды саинк кедезэнк Пазонь казевть тюрема весе кедьёнкстнэнь, сестэ тынь кеместэ карматадо аштеме Идемевсенть ёжов арсематнень каршо.

Секскак саинк Пазонь казевть тюрема весе кедьёнкстнэнь вана мекс: сатозо виенк раужо чистэнть аштемс сынст каршо, педе пес ютамс тюреманть ды цидярдомс.

Свал кирдеде кемеманть, теке ванстома лазонть, конань эйсэ тынь мадстьсынк Апаронть весе палыця налтонзо. Истя жо саинк идеманть, теке шлёмонть, ды Оймеялтонь максовт торонть, лиякс, Пазонь Валонть.

Вана истя, аштеде апак шата, карксаводо видечисэ, теке каркссо, ды оршаводо чумовтомочисэ, теке кшнинь панарсо. Кадык тынк карсемапелекс карми улеме анокчинк пачтямс ладямодо Кенярксов кулянть.

Ды меельцекс, кемиця ялган: кемекстадо прянк Азоронть марто вейсэндямосонть, Сонзэ вийсэнть, альмесэнть.

«Ловт ломанькс тетять-авать», – вана те васенце истямо кармавтовксось, конань мельга моли алтамо: «Сестэ карми улеме тонеть паро, ды кармат кувать эрямо моданть лангсо».

Эйкакшт, кунсолодо тетянк-аванк, кода Азоронть мельга молицят, эдь те – виде.