Popular Bible Verses from Апостолтнэнь тевест 9

Share

Ялатеке Азорось мерсь Ананиянень: «Азё! Те ломанесь Монь кочкавт кедьёнкс. Сон карми Монь эйстэ ёвтнеме лия раськетненень, сынст инязортнэнень, Израилень ломантнененьгак.

Савла прась мода лангс ды марясь вайгель, кона кортась тензэ: «Савла, Савла! Мекс тон пансят Эйсэнь?» «Тон кият, Азоро?» – кевкстизе Савла. «Мон Иисусан, конань тон пансят, – мерсь вайгелесь, – Стака теть молемс пшти сялгонть каршо».

Анания тусь ды совась ёвтазь кудонтень, путынзе кедензэ Савлань лангс ды мерсь: «Савла ялгам! Иисус Азорось, кона лиснесь теть ки лангсо тей самсто, кучимим тонеть: кадык тон одс тееват неицякс ды пештяват Иневанькс Оймеялтсо». Ды сеске прок лукшт прасть Савлань сельмензэ лангсто, ды сон нейке таго кармась нееме. Савла стясь ды нававтызе прянзо.