Popular Bible Verses from Паволонь омбоце сёрмазо Коринфев 9

Share

Ды Пазонть ули виезэ тыненк каземс ланга чудицякс эрьва кодамо чансть. Сестэ тынк свал ды эрьва мейсэ карми улеме весе эрявиксэнк, кода эсенк туртов, истя жо ланга чудицякс саты виенк эрьва паро тевскак.

Кадык эрьвась эйстэнк максы зяро, зняро мери седеезэ, апак нусмакале ды апак кармавто, эдь Пазось вечки кеняркс марто максыця.

Кирдеде мельсэнк: кие видьмень ванстозь види, се аламо пурныяк, а вана кие сюпавсто-важовсто види, сюпавсто пурныяк.

Пазось, кона максы видьметь видицянень ды анды кшисэ ломантнень, тыненккак максы видьметь, кастсынзе сынст ды ламолгавтсы паро тевень тееманк. Истя, тынь весемесэ карматадо улеме сюпалгавтозь, ды сестэ тынк свал карми улеме весеменк, мейсэ сюпавсто-важовсто лездамс лиятненень. Секс ламот кармить ёвтамо сюкпря Пазонтень тынк казнетнень кисэ, конатне максовить минек вельде.

Сюкпря Пазонтень валсо аёвтавикс Сонзэ казненть кисэ!