Popular Bible Verses from Паволонь омбоце сёрмазо Коринфев 5

Share

Кие сюлмазь Христос марто, се – Пазонь од теевкс. Весе таштось ютась-тусь, ды, вантая, сась одось!

Христосонь, конань арасельть пежетензэ, Пазось теизе аноксокс минек пежетенек кисэ. Тень кувалт минь Христос вельде ловозтяно чумовтомокс Пазонть икеле.

Эдь ней минь эрятано кемемань коряс, аволь неемань коряс.

Весе тень теизе Пазось, кона Иисус Христос вельде ладимизь минек Эсь мартонзо ды макссь миненек важодема тев – ладявтомс мартонзо лиятненьгак. Лиякс: Пазось Сонсь Христос вельде ладизе Эсь мартонзо весе масторлангонть. Сон эзинзе чумондо ломантнень сынст чумост-тапавксост кисэ ды кармавтсь миненек пачтямс кулянть Сонзэ марто ладямодо.

Истя, минь – Христосонь пельде кучовт, ды Пазось Сонсь минек вельде корты-энялды тыненк. Христосонь лемсэ вештяно: «Мереде тынк ладямс Пазонть марто!»

Ды Христос кулось весень кисэ вана мекс: сетне, кить эрить, лоткавольть эсест туртов эрямодо, ды кармавольть эрямо ансяк Сень туртов, кие сынст кисэ кулось ды вельмесь. Истямо ладсо, те шкастонть саезь минь уш киньгак а онкстнетяно ломанень вановтонь коряс. Бути икеле минь Христосоньгак чарькодилинек ломанень вановтонь коряс – ней уш Сонзэ содасынек аволь истя.

Эдь Христосонь вечкемась а кады миненек кочксема. Минь сынек истямо мельс-арсемас: вейке Ломань кулось весень кисэ, лисни – кулость весе.