Popular Bible Verses from Паволонь васенце сёрмазо Коринфев 12

Share

Весень лезэс Пазось эрьванть эйсэ Оймеялтонть яволявты аволь вейкетьстэ.

Весе тынь вейсэ – Христосонь рунго. Эрьвась эйстэнк Сонзэ рунгонзо пелькс.

Бути пишти-майси вейке пелькс, сестэ мартонзо пиштить-майсить весе лия пелькстнэяк. Бути шнави вейке пельксэсь, сестэ мартонзо кецнить весе лия пелькстнэяк.

Вейкентень Оймеялтось максы превейчинь валт; омбоцентень теке жо Оймеялтось максы содамочинь валт; колмоцентень теке жо Оймеялтось максы кемема. Кинень-бути теке жо Оймеялтось максы сэредицянь шумбралгавтомань казнеть; лиянень – тамашань-дивань теема вий; лиянень – пазмарицякс кортамонь казне; лиянень – оймеялтнэнь явома. Кинень-бути максови асодавикс кельсэ кортамонь казне, а вана лиянень – неть кельтнень смустест панжома.

Весе тень теи вейке ды теке жо Оймеялтось: эрьвантень максы-яви башка казне, кода Сонзэ мелезэ.

Пазось истя теизе вана мекс: илязо уле рунгосонть явновома-пелькстамо, мекевланк, весе пелькстнэ вейкетьстэ мелявтовольть вейкест-вейкест эйстэ.

Улить чанстень эрьва кодамо казнеть, ансяк весе сынь – теке жо Оймеялтонть пельде. Улить эрьва кодамо важодематкак, ансяк весе сынь – теке жо Азоронть. Улить Пазонь виень эрьва кодат невтема тевтькак, ансяк весе кемицятнень вельде весементь теи-невти теке жо Пазось.

Кемикуросонзо Пазось эрьванть путызе эсь тарказонзо: васенце таркасонть – апостолтнэ, омбоцесэнть – пазмарицятне, колмоцесэнть – тонавтыцятне. Мейле молить сеть, кинень максозь вий тейнемс диват-тамашат, седе тов сетне, кинь ули шумбралгавтомань казнезэ, лезксэнь максомань, ветицякс улемань эли асодавикс кельсэ кортамонь казнест.

Эдь рунгоськак ашти ламо пельксстэ, аволь ансяк вейкестэ.

Мекевланк, сеть рунгонь пелькстнэ, конатне миненек неявить-марявить седе лавшокс, сынь седеяк эрявикст.

Бути весе рунгось аштевель вейке сельместэ, кода сестэ сон маряволь? А бути весе рунгось – пиле, кода сестэ сонензэ чинесь-танстесь содаволь? Пазось жо, эсь мелензэ коряс, аравтнинзе рунгосонть весе пелькстнэнь таркаваст. Ды бути весе аштевель ансяк вейке пельксстэ, сестэ косо улевель рунгось?