Popular Bible Verses from Флп 2

Share

Тавалымылан але чапланаш тыршымылан кӧра нимом ида ыште, а ӱҥышын икте-весым шке дечда кугураклан шотлыза. Тек кажныже шке пайдаж нерген веле огыл, а молынат пайдаж нерген шона.

Тендан шонымашда да шӱм шижмашда Христос Иисусын гаяк лийже.

Тудо, чын Юмо улмыж ӱмбач, Юмо дене тӧр лияш тӧчен огыл, а Шкенжым Шке ӱлык шынден, тарзын тӱсшым налын, айдеме гай лийын, Тудым чылан айдеме тӱсаным ужыныт. Тудо Шкенжым Шке изиэш луктын, колымо марте, ыресеш колымо мартеат, мутым колыштшо лийын.

Юмо Шкеак тендан кӧргыштыда пашажым ышта, тыгеже те Тудын поро эрыкше дене келшыше пашам ыштынеда да ыштеда.

Садлан Юмо Тудым кӱшкӧ нӧлтен, чыла лӱм дечат кӱшнӧ шогышо лӱмым пуэн. Тыгеракын, пылпомышсо, мландысе да мланде йымалсе-влак чылан Иисус лӱмеш сукалтышаш улыт, кажне йылме, Ача Юмын чапшым нӧлташ, Иисус Христосым Господь манын почын ойлышаш.

Локтылалтше да пужлышо тукым коклаште те шылталаш амалдыме, яндар, Юмын титакдыме икшывыже лийза манын, чылажымат ӧпкелыде да кокыте шоныде ыштыза. Тыгай тукым коклаште те тӱняште шӱдыр семын йолгалтыда

Тыгеракын, йӧратыме иза-шольым-влак, тендан дене лиймем годым кузе мыйым эре колыштында, ынде тендан деч тораште улмем годым эшеат утларак колыштса: шкендан утаралтмашдам лӱдын да тыршен шуктыза.