Popular Bible Verses from 2 Петр 2

Share

Господь чыла тидым ыштен гын, Юмым пагалыше-влакым тергымаш деч кузе утараш Тудо пала да, закондымылыкым ыштыше-влакым осал пашашт верч мутым кучаш шогалташ манын, суд кечылан оролымаште кузе кучаш, шинча.

Чын ыштымаш корным пален налме да нунылан пуымо святой кӱштымаш деч мӧҥгеш савырныме олмеш чын ыштымаш корным огыт пале гын, нунылан сайрак ыле. Нунын дене чын калыкмутышто ойлымо семын лийын: «Пий шке укшинчышыж деке пӧртылеш», да «Мушмо сӧсна лавыраште пӧрдалеш».

Шкешт шӱймашын кулжо улыт гынат, нунылан эрыкым сӧрат. Вет кӧлан сеҥалтынат, тудын кулжо улат.

Мемнан Господьна да Утарышына Иисус Христосым палыме гоч тиде тӱнясе лавыра деч утлымеке, тушан угыч варнат да сеҥалтыт гын, тугеже мучаште нунылан тӱҥалтыш годымсышт деч ударак лиеш.

Израиль калык коклаште шояк пророк-влакат лийыныт, тыгак тендан коклаштат шояк туныктышо-влак лектыт. Нуно пытымашке наҥгайыше шояк туныктымашым кондат да шкеныштымат тӱлен налше Господь деч кораҥыт, тидын дене шке ӱмбакышт вашке пытымашым кондат.