Popular Bible Verses from 2 Кор 9

Share

Юмын тыланда тӱрлӧ порым лыҥ пуаш куатше уло, сандене те чыла шотыштат эре ситышан лийыда да шуко тӱрлӧ поро пашам ыштен кертыда.

Кажныже шӱмыштыжӧ шонен пыштыме семын пуыжо, ойганен але ӧкымлымӧ почеш ыштыман огыл, вет куанен пуышым Юмо йӧрата.

Тидым ойлем: кӧ чаҥган ӱда, тудо шагал тӱредеш, а кӧ лыҥ ӱда, тудо лыҥак тӱредеш.

А ӱдышылан урлыкашым да кочкаш киндым пуышо Юмо тендам шуко урлыкаш дене пойдара да порым ыштымыдан саскажым шукемда. Те тӱрлӧ порылыклан чыла шотыштат поеда, тыгеракын, мемнан пашана гоч тендан пӧлекда Юмылан тауштымашым конда.

Каласен мошташ лийдыме пӧлекшылан Юмылан тау!