Popular Bible Verses from 2 Кор 5

Share

Тыгеракын, кӧ Христос дене ушнен шога, тудо – у айдеме, ончычсыжо шеҥгелан кодын, ынде чыла у.

Христос дене ушнымаште мыланна Юмын ончылно чын ыштыше лияш манын, мемнан верч Юмо языкым палыдыме Христосым языклан кӧра жертвым ыштен.

Ме ужмо дене огыл, а ӱшаныме дене илена.

Чылажат Юмо деч, Тудо Шкенжын да мемнан коклаште Иисус Христос гоч сӧрасымашым ыштен да сӧрасымашке ӱжмӧ пашам мыланна ӱшанен пуэн: Юмо Христос дене ушнен шоген да тӱня ден Шкеж коклаште сӧрасымашым ыштен, еҥ-влакын сулыкыштым шотыш налын огыл, а мыланна сӧрасыме шомакым пуэн.

Тугеже, ме Христосын лӱмжӧ дене колтымо улына, Юмо Шке мемнан гоч темла. Христосын лӱмжӧ дене йодына: Юмо дене сӧрасыза.

А Тудо чылан верчын колен, тугеже илыше-влак ынде шкаланышт огыл, а нунын верч Колышылан да Ылыжшылан илышаш улыт. Сандене тылеч вара ме нигӧмат айдемын висаже дене огына пале. Ме ондакше Христосым тыге паленна гын, ынде огына пале.

вет Христосын йӧратымашыже мемнам вуйлата. Ме тыге шонена: икте чылан верчын колен гын, тугеже чылан коленыт.