Popular Bible Verses from 1 Петр 5

Share

Кеч-могай тургыжланымашдам Юмылан ӱшанен пуыза: Тудо тендан верч тырша.

А Христос Иисус дене ушнен шогымаште мемнам Шкенжын курымашлык чапышкыже ӱжшӧ чыла порылыкын Юмыжо, кӱчык жап орлыкым чытымекыда, тек тендам тӧрлата, чоткыдемда, вияҥда да пеҥгыдемда.

Айык шонымашан лийза, шекланен шогыза: тендан ваштареш шогышыда, диавол, ырлыше лев семын, кӧм нелаш кычалын, коштеш. Пеҥгыде ӱшанымаш дене тудын ваштареш шогалза. Те паледа: тендан иза-шольыда-влаклан уло тӱняште тыгаяк орланымашым чыташ логалеш.

Тугеже, ӱҥышӧ лийза да Юмын виян кид йымалныже лияш келшыза, шке жапыштыже Тудо тендам кӱшкӧ шогалта.

Самырык-влакат, пресвитер-влакым колыштса. Чыланат, икте-весым колыштын, икте-весе деке тыматле шонымашан лийза, вет «Юмо кугешныше-влак ваштареш шога, а ӱҥышӧ-влаклан порылыкым пуа».