Popular Bible Verses from 1 Петр 1

Share

Мемнан Господьна Иисус Христосын Юмыжо да Ачаже моктымо лийже! Иисус Христосын колымаш гыч ылыжмыж гоч Тудо мемнам Шкенжын кугу порылыкшо дене илыше ӱшанен вучымашке шочыктен, шӱйдымӧ, локтылалтдыме, лывыжгыдыме наследствым сӧрен. Тидыже тыланда пылпомышто аралалтеш

Тыланда тӱрлӧ тергымаште кызыт изишлан ойгаҥаш логалеш гынат, тидлан куаныза. Пытен йомшаш шӧртньымат тул дене тергат, а тендан ӱшанымашдан чытен шоген кертмыжын шӧртньӧ деч шуко пачаш шергакан улмыжо пале лийшаш да Иисус Христосын толмыж годым тауштымашым, пагалымашым да чапым кондышаш.

а тендам ӱжшӧ Святой семын те шкежат кеч-мом ыштымыда годым святой лийза. Возымо: «Святой лийза, вет Мый святой улам».

Мутым колыштшо йоча гай лийза: пычкемыште лиймыда годым тендам тӱрлӧ сутланымаш алгаштарен, но ынде тудлан ида келыштаралт

Сандене, [йӧратымем-влак,] ушдам ямдым кучыза, айык шонымашан лийза, Иисус Христос толмо годым тыланда пуалтшаш порылыклан тичмаш ӱшаным пыштыза.

Вет «Кажне айдеме шудо гай, тудын чыла чапше шудо пеледыш гай. Шудо кошка, пеледышыже йога, но Господьын шомакше курымеш кодеш». А тиде шомакше – тыланда каласкалыме Поро Увер.