Popular Bible Verses from 1 Кор 13

Share

Йӧратымаш кужун чытыше да поро, йӧратымаш ок кӧране, йӧратымаш ок моктане, ок кугешне, торжан ок ыште, шкаланже пайдам ок кычал, ок шыдешке, осалым шарнен ок иле

чыла леведеш, чылалан ӱшана да ӱшанен вуча, чыла чыта.

чын огыллан ок куане, а чынлан йывырта

А тыгеже нине кумыт эре лийыт: ӱшанымаш, ӱшанен вучымаш, йӧратымаш, но нунын кокла гыч эн кугужо – йӧратымаш.

Йӧратымаш нигунам ок пыте, а пророкла ойлымаш чарна, палыдыме йылме дене ойлымаш шыплана, шинчымаш пыта.

Мый айдеме да суксо йылме дене ойлем гынат, но йӧратымашем уке гын, тугеже йоҥгышо той семӱзгар але шергылтше кимвал веле улам.

Лийын кертеш, мыйын пророкла ойлен моштымашем уло, чыла тайным палем да мыйын чыла шинчымашем уло, лийын кертеш, курык-влакым вашталтен шындаш ситыше ӱшанымашем уло, но йӧратымашем уке гын, тугеже мый нимо омыл.

Мый уло погем пуэден пытарем да капем йӱлалташ пуэм гынат, но йӧратымашем уке гын, тыште мылам нимогай пайда уке.

Кунам мый йоча лийынам, йочала ойленам, йоча семын шоненам, йоча семын ушем кучылтынам, а кунам кушкын шуынам, тунам йоча годсо деч кораҥынам.