Popular Bible Verses from Daidasi 1

Share

Nimuna angaa kambulu komeame lalore Naare Gode kone wima loaeme. Go lemepare nimuna pamu aleme poramere Gode kou waleme. Gurupa alinuri Godena angele na-pangeme einayalore Godeme raname na-kome nimumiri ora epe aunu menda na-pilimi.

Lopunu yaakopi repaa aeme repaa reparare enda menda na-nape einda menda dia. Go peapare lopunu kodo puma Keriso repara kone na-wimi repaa reparare epe ale menda na-wia. Lopunu raayo kodo ambala pea.

Gupuma nipumi ande ora epe angelere ora ei loma ande ambalande walamende rupa irulaoma ripinilia. Gupilia eimiri mendane wenaali para ora rupa walala ara rambameapeyae. Gupuma pange monde ora rupa wada angelenuri kondo lia lia pi rupa wadame wenaali ma-rendepoyada ali alia.

Nee kone wili. Keriso wenaali andere-aya aliri Godena pupudengi andere-aya ali aya. Go einayandare nipu ora rendepona pamilia pange wenaalimi nipu repara rondo menda wia ei na-andeleme. Gupuma nipumi rendaa rendaa na-pu pange amo alenuna wee na-pambao pu pinyalape pange rono rono rana komea na-pango pange nipu andaa ali ayo kone suaya ali na-meape. Gupumare nipu koae ipa na-no pinyalape. Nipuna anda para kimisu wenaali pambolo opolo puainya aya ali pange epe au pi eiri raname komoma kone waru wida ali alia. Gupuma nipuna kone para gole anana aya ali pange rendepona aya ali pange yaakopi ali pange nipumi papeya au komea pualia.

Go kalu ali mula pele ali nipuri wena komeana ali alia pange nipuri wenaalina lee ronare rondo menda na-ae ali alia. Nipuna naki nongonuri angele mi repaa alimi pange ara anginuna angele pangoaeme nongo nakinu ao pilimi.