Popular Bible Verses from Romo 6

Share

Koae au pimi eina yangi ada eiri komala ei. Go peapare Godeme naana Reali Yesu Keriso rupara pakama gida alere na-kome pa ari pula endoaya ei gida.

Koae eimiri nimi andere pirina lape-na-yae. Akepeandare nimiri Rudule aunu rupara na-aemepare Godena yarame komea eina oro para aeme ae.

Go ipa isame eiri nipu rapu kome nono puma nipu dapa para mendaa dina wi nono pemae. Go au pema eiri pena au pu aluame ipa isama ae. Naana Apa Gode nipuna epe puri andaaimi Keriso wala ma-rekaisaya rupa pimae.

Gupuma pange nimina donu menda koae aunu repara nipuna rana pi aunu pinaya na-alamone dapape. Nimina do ria pange konenu raayo Gode repara rendepona aunu pinya adapape. Kome ei minyapalaoma endoma aya ali manda alepape.

Go ei pange kone sialemae. Naana ambalana siama konenu pange nama endanu pamuama poranu raayo Yesu nipu ekeraisa wape pi repanana komisaya dina perelea. Go pea auri Godeme naana koae aunu puluame wee pambadema aunu ma-pereyainyaya pea. Go pi auri naa koae aunu pi einumi naa andisiamba pirapa-na-ya pea.

Go pea rupa nimina gole kone go rupa sialepape. Koae einu pape einare nimi pange kome nano puma Yesu Keriso rapu raminyeke pumare nimi pange Gode rapu endoma aeme.

Go pema eina naame ake paminyapae. Godena pakama yarame komea ei andayoria penayanda naame koae aunu pa pu eiri bainyayapae. Go au puria bainyayapae. Diae. Koae au pi ei para naare ambala perelema. Akepea pa puria bainyayapae.

Go eiri nimi kone wimi. Nimi ali mendana pakama pupudengi naluame pilimindare gore nimiri go angele pangaleme alina dipula ali gonda. Koae au pi eina pupudengi nalimindare gore komala ei andeleme. Godena angelenda pangoma pilimindare gore nimi rendepona Gode rapu alimi.

Gode para ranae laminya. Go einaya laloe. Nimiri naare mendanare koae aunu pi eimi dipula mea. Go peapare ande nimimi meamenda angele rupara wia ree angelenu waru pangame. Koae aunu pi einuna dipula pidimiyare nimi kepe rapaoma wala rendepona aunu pi eina dipula piramende.