Popular Bible Verses from 2 Korindi 9

Share

Godeme nimi ora epepe aunu ora andapu pilia. Go au piliandare nimimi ale menda na-wali pa sualia. Gupuma nimimi pange menda menda waru rambamu alala pilimi.

Ali menda apimi Gode repara adoa kone wilia alimiri gore nipuna ranana komea alala pinya. Go peapare raname komalo ara nipuna pumi kepelena rupa alala pinya. Akepeare ale menda kone na-wi pa alo alia ali komea Godeme rana komoaya.

Nimi go ei kone sialepape. Ali mendame wai alenu andapu polea alimiri ora nape andapu milia pange ali mendame wai alenu ongepu poleandare gore pa reponda milia.

Godemere wai alenuri mo e mapu puaya ali repara aloaya pange one mone endanu raayo go ali repara aloaya. Go einare Godeme olemole raayo manda nimi giliandare nimimi manda mo Keriso wenaali ademe. Go au pilimindare epe au ora andapu pilimi. Ande e mapu pia alimi wai alenu andapu poala alimi nape andapu mida rupa manda. Godeme nimi mo yangonu olemole waru alo aliminayandare nimi olemole ora ma-amoyalia. Go au pilimindare gore go wenaalimi naame adama alenu mealo ara Gode para raname komala ara ranae angele deme.

Godeme naa ora epe alenu ora pakama guaya eimi naame pange angelenu lape-na-ya. Go einare Gode para ranae angele laminya.