Popular Bible Verses from Rom 2

Share

Awe aa a̱joonan kiŋki káhin buroon naane bondu, abe bare bo yooŋ b'af'á̱hin, butum aŋ'a̱ane awe kafaku kane Atambatun áyemi ti kajoonan ésuk i? Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Náami awe aa a̱joonan bakaaku, hutoof á̱yemi aañ, aŋkut a̱baj b'a̱ware bukuuso te bo hágila Atambatun. Af'aŋ'a̱joonan bakaaku, a̱yoosanooraa ti kaayeen awe humuumi, ábuki aŋ'á̱hin yooŋ buroon bimbi káhin.

Ábuki t'Atambatun ésuk i erare.

Káanukiiit kiŋki kajamatan Eluwa i abe araanee toko kaamo fu kéejube ku t'Atambatun; aaa, kéejube ku te o kaamo fu kiŋki káhin naane esoke i.

O kabatikan huruw fe aliik tu doon d'aroke du.

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Bare a̱yaŋgayaŋg hikaw, á̱maŋiit buwatanooro. Iŋ'ite ho aamo fu aw'ondu ti binaŋooro kúnuur keehaŋe kásufu tu hunak h'Atambatun aja hu káwufoor kayiŋat koone, abe n'ajoonan te ho ésuk i ajoŋoor júl.