Popular Bible Verses from Rom 12

Share

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Atum'ariwas meejakut mu meehaŋuun sembe. Arijaaŋo mo ti káhinu kite meejake mu.

Árimaŋioori naane bakati. Árihabanein ti kájeŋgin kite bakaaku.

Kámaŋi koonuun kíyemi kite nu múniyo. Ariteñeko meejakut mu, abe n'arijok ti meejake mu.

Af'aribaj bítim, árihin wáhowah ariijamoor n'ésuk i fe.

Kújakuwe, aruun k'ímaŋie-maŋie ku, atum'aŋ'arinukan aruun kumuumuun t'an éehinuun meejakut, bare ariwas Atambatun eebin eenij te o, ábuki Atemit aanaan ti *Míkiñjin mu: «Íñje ija fu kanukan ku, íñje yooŋ ija fu kabatikaniin doon di karoke du.»

Áriyemi éñiŋkaana, abe atum'áriyemi biñek. Ñúwejet ñooniin ñíhabanein tu burok bite Anahaan u.

Makamu Atambatun áwufooramwufoor kajaku koone, iisokuun bonde arireyi fe: an t'aruun atum'ayitooro. Árimeyi kep buŋ b'ariemo fu ariike, huruw fe t'aruun aliik ti káyilen k'Atambatun awuno ku.

An af'áhinuun meejakut, atum'aribatikano meejakut. Ariŋes káhinu b'ésuk i fe eene bu bijakajak.

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

N'asooñ yooŋ aane: «Anatoora úuwe af'ajoñjolat, a̱wuno eeñoofo; búhujo nu bujoko, a̱wuno éehujo. Af'á̱hin iyu, anokooreenokoor kite awe á̱sike kíjeget kéetife a̱naŋ ti hikawo.»

Arilaw Atambatun éesoniyan kiŋki káhihinooruun; arilawo éesoniyaniin, atum'arieno áwuumiin. Aritoofan ni keeemo ku ti katoofu ku, abe n'ariyiy ni keeemo ku ti biyiy bu.

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Eni yite húŋgowulan efeeneŋ, bare ebajabaj buroon beehooje, abe dóonodoon fe nu burok bite te do. Iyu yooŋ u úemo fu: naane úhooje i fe, úmoomi naane eni efeeneŋ, ábuki úhinahin t'afeeneŋ ni *Kiris. Újokoorajokoor naane buroon beeemo t'eni efeeneŋ.