Popular Bible Verses from Esuwif i 10

Share

Bakaake kafuna iŋkut kaja kéefimboor tand'afeeneŋ keelaw. Utum'úliikool nu boko. Bare úhaŋ kayaŋgananoor kikaw, ábuki arijuka kaanuku hunak h'Anahaan u ábatikein hu te ho hihaŋa kalohu.

Úyinoor naane úyino i kawunoor sihel kaanuku man n'úhaŋ kámaŋioori, abe n'uŋ'úhinoor yooŋ meejake mu.

Újok alitee t'eyakar i yuy'úwaare iye, ábuki úmoomi kaanuku Atambatun káhinu b'asoke bu.

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Náami eyakar yeenuun etum'ébujo, ábuki yo eja fu kákinineŋ n'aribaj hisiibanu hómbokun.

Uf'únoŋk uŋ'úhoofoor, úne káaheekin ku núumeyi múniyo mu, kike kaasarah kuroŋut kabaju kéeyinie kanuutan wuhoofoor wu. Beeyak bu kaŋeñen úne beemo fu biriiko núunahan n'ekoloowe yómbokun beeware bu kabaju; aamo fu hunak h'Atambatun aja hu kajoonan enatoora yeene ti sineemak sómbombokun su seeja su kásufiiin.