Popular Bible Verses from Efees 6

Share

Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

Arijok bujuŋko b'Atambatun awunuun bu bireyi fe, kaanuku man n'áriyini bisiiŋo alitee kane Setani aŋesuun kabuutu.

Iŋ'ite ho aamo fu arijok hahiye bujuŋko bite Atambatun bireyi fe! Af'árihin bondu, hunak hite sílaam su ifi hireeŋ, n'aŋ'áriyini katandarisan t'an eejonduun u. Abe af'árituum bija yooŋ ti biraanu, aruun bisiiŋo jirib.

Ko kireyi fe, arijok káyilen ku naane aa arijok ebaŋgal; n'eŋ'éyokunanuun ariihok kúsoori kéetife ku kite Batuuk bu. Arijok kafaku ku naane aa arisol ékuhe yite hitiik, abe n'arijok Hirim hite Atambatun heeemo hu naane kábura, ku Búwejet Beenabe bu buwunuun.

Náami arijok alitee: arijok múniyo mu naane aa ariwuuj ñibaŋ ti kikeejuuun. Arijok kajoŋoor ku naane aa arisol kájufa kite hitiik. Arifare kawaare kite Hirim Heetoofe hite káasuumaay ku naane aa arisol sikaku.

Biraanu búuma beemo fu bonde: ariŋes sembe soonuun t'Anahaan u, ni ti sembe soone sómbombokun su.

Eke eluwa eenaan: «Á̱jeŋgin faafi n'íñaayi.» Yo yeemo fu étiyar i tu buluwa bite Atambatun yéewutiyene bike beejake. Eenaan: «Man buroŋ búuwe nu búsoniyanee, abe n'a̱riy etaam i.»

Aruun biñi bu, makamu aruun bakan bakate Anahaan u, árijeŋgin sifaafuun ni síñaayuun; bondu bijake fu.