Popular Bible Verses from 1 Korent 15

Share

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

Bare úene Atambatun eyeehen, akina eeŋaase u t'Anahaan ite úne Yesu *Kiris éehin úne núuriiŋan eket i!

Atum'aribuut kikawuun: «Kariboor ni bakan keejakut kúnooni kábuju an eejake.»

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

«Awe eket i, kame búriiŋan búuwe bondu diin? Awe eket i, kame kaabetu kúuwe kondu diin?» Kaahoofoor ku keemo fu kaabetu kiŋki kibin n'eket i, abe kaahoofoor ku kibajabaj sembe, ábuki *Eluwa yite Moyis éwufoore fu naŋ neemo fu kaahoofoor.

Arijamatan íihandinuun bonde béenuusee bee: úreyiiit úja fu kaketu, bare úreyi fe úne kahosanee. Bondu kabaju ahil-hil naane díkin, kane káabiinu kiraanu ku kusok. Ábuki ufu kusok kep, keekete ku bíriteina keebaj buroŋ béehabanaariit, abe úne keeyak ku káyemi buroŋ n'uŋ'úhosanee yooŋ.

Ábuki naane aamo i ániine afeeneŋ ákinineŋe fu eket i n'ebaj t'etaam ye, birito bite t'eket i yooŋ, ániine afeeneŋ ákinineŋe fu ni bibaj. Naane aamo i kúŋgowulan ku fe iŋi kaket iŋi naane káhine i t'afeeneŋ *n'Adam, boko yooŋ bíriteina t'eket i iŋi naane káhine i t'afeeneŋ ni Kiris.

Múniyo doon deeemo uŋu dúbujo duwareewar kahosan déeyemi doon déebujaariit, abe doon deeemo iŋi diket duwareewar kahosan déeyemi doon déeketaariit.

Ábuki Kiris awarawar káyemi áyi bija kóyin k'Atambatun aja ku bikalo enatoora yeene kareyi fe. Anatoora eeja u kábujiee araan u aamo fu eket i.