Popular Bible Verses from 1 Korent 1

Share

Bare keejokee ku naane bakan keeñunut, Atambatun ajifaniinjifan kaanuku eefuñatan kéewasinatee ku. Keejokee ku naane bakan keebajut sembe, Atambatun ajifaniinjifan kaanuku eefuñatan bakate sembe su.

Múniyo kawaare kite eket ite *Kiris *t'ekuruwa i, bakan keeemo ku tu bútowuto bu kajokajok ko naane beeñunut. Bare t'úne keeemo ku ti bítim bite kafaku ku, diyu sembe site Atambatun.

Ábuki bondu bite b'Atambatun bu kúŋgowulan ku kajoke bu naane beeñunut, bihaŋahaŋ káwasi búwesinato booniin, abe bi kajoke bu te o naane beebajut sembe, bihaŋahaŋ yooŋ sembe.

Atambatun áwasaariit báhamin b'asoke, akina eeruwuun u kaanuku áriihin t'afeeneŋ n'Añio Yesu Kiris Anahaan ite úne.

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

Náami húwesina hu hondu diin? Eejaŋgee u ondu diin? Eetoofe u butum t'etaam ye ondu diin? Atambatun áwufoorawufoor kaanuku búwesinato bite kúŋgowulan ku buñunut!