Popular Bible Verses from Ndzǝr Rauma 8

Share

Ba mur zǝndi apǝri akwa sanga su Hyal ada 'ya kǝthlǝr akuya ka ɗakur ndzǝ nam tara yiɗǝ tǝni, ndzǝ nam tǝ Hyal kǝga akwa whalǝrni.

Akuya Yi mbǝrsa apǝri wala nti wala mpikɛ, wala ndzǝr hyantǝr Hyal wala mambǝl nam kulɗa yarɛ, wala ndzai kulini ni wala ndzai nam ata si, wala kǝlara dǝna yarɛ, wala dzǝgamkur alǝti wala dzǝgamkur alǝghǝl, wala kǝlara su damwa akwa sanga dunya, ata mǝzi ka ndǝghǝba tǝ muri aka yiɗǝdzǝr Hyal nam akwa Kǝrsti Yɛsu Thlakǝr muri wɛ.

Tsu akwa whal ǝni, Mambǝl ni ada mbana tǝ muri akwa kura dǝnakur muri. Muri ta zǝndi sǝ nam tǝ muri awa 'ya aduwa kari wɛ, ama Mambǝl ni tǝ kǝrni ada ndǝrɛ ata nyar muri aka ngyɛ yarɛ nam kura labar awa nkǝrba.

Sǝr mi, dza, tǝ muri awa nkǝrɛ ata nyar sǝni? Ma Hyal adzǝ muri, wa awa mǝzi ka ndzai dawar muri?

Kadǝbar ǝni, kulini thla haka adi wɛ ata kǝra ndzǝ nam akwa Kǝrsti Yɛsu

Hankala ndǝr bikǝrni ani nti, ama hankal nam akwa tsiya Mambǝlɛ ani mpikɛ ba ndzi lapiyakur

A'a, akwa sanga sǝ ǝni yarni muri ɓwalta tǝ ndɛ awa sǝmkǝr ata kǝra muri atar dzǝ nam tara yiɗǝ tǝ muri.

Yi ada ɗǝnga apǝri sa bwaniyir muri nam kulini ta mǝzi tǝ ndɛ awa ngǝla aka nggakur nam tǝ Hyal ata tsanti akwa muri wɛ.

Wa ani awa ndǝghǝba tǝ muri aka yiɗǝdzǝr Kǝrsti? Bwanai ya kǝna kǝriku kǝna ma ndɛ ada 'ya ala muri sǝ kulɗa kǝna mi kǝna anghyaɗukur kǝna asar kǝna katsakar?

Ba dzǝ nam ada wula ɗǝfa muri yarɛ dzǝ zǝndi sǝ nam akwa hankala Mambǝl ni, akuya Mambǝl ni ada ndǝrɛ ata nyar ndzǝr Hyal akwa whal nam tǝ Hyal ada bara.

kadǝbar ndzǝ nam tǝ Mambǝlǝr Hyal ani ada pwar tǝ dar ani dar madar Hyal.

Ndzǝ nam ada ndzai apa tǝ dzǝr biku ada bara hankala dar vǝti dzi ata sǝ nam tǝ dzá dar nǝr biku ada bara; ama ndzǝ nam ada ndzai apa tǝ Mambǝl ada bara hankala dar vǝti dzi ata sǝ nam tǝ Mambǝlɛ ada bara.

Dzǝ nam kura ta ɗǝwa Zǝrǝrni, ama dzǝ hamnta tǝni akuya mur sang! Dzǝ la muri Zǝrǝrni—mǝmi kura dzǝ awa la muri sanga sǝ yarɛ ɓǝrtu?

Mambǝlǝrni tǝ kǝrni ada nkǝrɛ aka mambǝlǝr muri apǝri muri madar Hyal. Kulini ma apǝri muri madarni, antǝ mur ndzǝr sǝm warta—ndzǝr sǝm wartar Hyal ba ndzǝr sǝm warta atakǝmaduku kaka Kǝrsti, ma apǝri dzǝri muri ada ndǝghǝ bwaniyirni, akuya ka mur ndǝghǝi nggakurni yɛ.

Hankalǝr biku ni kǝmangar ala Hyal. Dzǝ adi ada kǝlǝngkǝr ala mabariyir Hyal wɛ, wala tǝ dzǝ awa mǝzi ka mǝrti wɛ.

Dunya sang ada mauwɛ ka sǝkǝ sǝ nam tǝ dar tǝmatsǝni akuya ka madar Hyal nam tǝ Hyal ata tsanti wa yarɛ dza madarni.

Mur zǝndi apǝri sanga dunya 'ya ngyɛ apa akwa kalǝr ya zǝr har ka la saka nam kulini.