Popular Bible Verses from Ndzǝr Rauma 10

Share

Apǝri ma gǝ nkǝrba aka nya gɛ, “Yɛsu ani Thlaku,” ba gǝ mbǝrsa akwa ɗǝfa gɛ apǝri Hyal hyanti tǝni akwa ntǝnti, gɛ ata ɓui mbatǝdzi.

Akuya aka ɗǝfa gɛ tǝ gǝ mbǝrsa ba Hyal nkǝrɛ apǝri gǝ kal-kal, ba aka nya gɛ tǝ gǝ nkǝrba ba Hyal ka mbatǝ tǝngɛ.

Ani dzá, hamnta dzǝri ada si atar ngati ndǝr ni, ndǝr ni ada ngatǝdzi atar labarǝr Kǝrsti.

Apa tǝ Labar Hyal nkǝrɛ, “Kǝlara ndɛ nam tara vu mbǝrsarni akwa Hyal dzǝ adi ata saga lǝkwa sǝlai wɛ.” Akuya pampamkur adi akwa ɓwanga ndǝr Yahudi ba ndǝ kura Yahudi wɛ—tsu Thlaku ni duku ani Thlakǝr sanga ndzi ba dzǝ ada vǝdzǝ barka yarɛ hang ala sanga ndzǝ nam ada kǝga tǝni, akuya, “Sanga ndzǝ nam ada kǝga thlǝma Thlaku ni dar ata ɓui mbatǝdzi.”

Ba mǝmi tǝ dar awa nkǝrɛ ndǝrǝr Hyal nam sǝɗa tar ma ndǝ hya tǝ dar? Apa rǝbwa-rǝbwa, “Mǝmi dakwaikur nǝr thlǝla ndzǝ nam ada si aka ndǝrǝr Hyal nam sǝɗa!”

Mǝmi, dza, tǝ dar awa kǝga ndɛ nam kura dar ta mbǝrsa akari? Ba mǝmi tǝ dar awa mbǝrsa akwa ndɛ nam kura dar ta saga ngati? Ba mǝmi tǝ dar awa ngati kura ndǝ laka ta nkǝrnta ala dar ndǝrǝr Hyal nam sǝɗa ni?

Kǝrsti ani dǝntar mabari ni ani ka kalkalkur 'ya adai ala kǝlara ndɛ nam tara mbǝrsa.