Popular Bible Verses from Ndzǝr Galatiya 5

Share

Ama munyar Mambǝl ni ani yiɗǝdzi, kutsari, lapiyakur, kǝmar, hankalkur, ɗakur, dzǝrkur, kanadikur ba ɓǝlati kǝr. Dzǝli sǝ ǝni yarni mabari adi ata kǝra dar wɛ.

Əni ani tsawurna ala gǝri, ka gǝri ndzai aka nu Mambǝlǝr Hyal, adi apǝri gǝri ata nu kǝlara sǝ nam kulɗa tǝ dzɛ ada bara wɛ.

Tǝng tǝ muri ada ndzai Mambǝl ni, ngyar ka muri lǝkǝma akwa mwari kaka Mambǝl ni.

Ndzǝ nam tara mbǝrsa akwa Kǝrsti Yɛsu, dar kukwanta sǝ nam kulɗa tǝ dzɛ ada bara, kaka ɗǝngar yiɗǝ kǝrkur. Antǝ dar adi ata 'ya dzǝli sǝ yarni wɛ.

Kulini kǝthlǝrǝr sǝ nam kulɗa tǝ dzɛ ada bara dar ata babal: dar ani, badawikur, aka kǝthlǝr agyakur, aka susukur, vǝkǝr sǝlai ala mǝlǝm aka igha, aka dugun, aka ɓwalnya, aka sǝlku, aka ɗǝfu, aka yiɗǝ kǝr, aka lǝkǝdzikur, aka ndǝghǝbadzi, aka kwambalikur, aka sa su, aka sambarkur, aka tsuwɛ mambiya dzǝli ǝni yarni. Yi ada gala tǝ gǝri apa tǝ Yi galatsǝni tǝ gǝri watsi, apǝri ndzǝr 'ya dzǝli sǝ yarni, dar adi ata ɓui warta akwa kuhyikur Hyal wɛ.

Madar mama, gǝr wula ndǝ kǝga tǝ gǝri kadǝbar ɓui kǝr. Ama akwa ɓui kǝr gǝrni ta gǝri ta ɗǝnga apǝri kulini gǝri ata 'ya kǝlara sǝ nam kulɗa tǝ dzɛ ada bara. Ata vuiya ǝni, ka gǝr kǝthlǝr aka ɓui kǝr gǝrni ka gǝri mbana kǝma gǝri akwa yiɗǝdzi.

Akuya sǝ nam tǝ dzǝr biku ni ada bara ani sǝ nam kura Mambǝl ni ada bara, tsuwɛ sǝ nam tǝ Mambǝl ni ada bara ani sǝ nam kura dzǝr biku ni ada bara. Dar akwa kampiku aka kǝma dar, ani ka gǝri adi awa 'yati sǝ nam tǝ gǝri ada bara wɛ.

Kadǝbar sanga mabari ghǝiyabadzi aka ndǝr duku, “Ka gǝ yiɗǝ ntǝwhulǝr ngɛ apa kǝrngɛ.”

Ta gǝr ta ndzai ndzǝr haɓǝkǝr aka ndzǝr 'ya mpa wala sǝlku ala kǝma gǝri.

Ani dzǝri Kǝrsti kǝ la muri ɓui kǝr. Ka gǝr ndzai ɓaɓal, ta gǝri ta dzakti ɗu akwa yaku nǝr falikur tsuwɛ.