Popular Bible Verses from Tiite 1

Share

Ɓɛ̀ wóò nɛ ɓɛ́ dũ Dɔfĩn, kɛ́ peɓɛ̀ bɔ̀werà ɛ́ den ɛ́ wóo zɛ̃́ní kɛ́ ɓɛ́ yí dṹ Hɔ wɛ̀. Ɛ́ ɓɛ́ hɛ̀ fɔ́ɓán àá ɲìirɔ́, peɓɛ̀ ɲɛkɛ̃̀a ɛ́ hɛ̀ dɛ̃un ɛ̀ ɓɛ̀ lò yí dɛ̀ bòo dɔ̀ lɛ ɛ́ sãa ɛ́ yáà wé wɛ̀.

Ɛ́ hɔ̀ bòo míkùi ɛ́ ce ɓɛ nìnbirìe lɛ ɛ́ hũn ce viì, kɛ́ hɛ̀rí bòo dɔ̀ ɛ́ yá ce ɓɛ nìnbirìe lɛ ɛ́ hũn lɔ̀n ɛ̀ ɓɛ̀ lò ɛ́ yí dɛsĩ̀ viì wɛ̀. Iè hɔ̀ lɛ ɛ́ peɓɛ̀ hɛciri àá peɓɛ̀ hũn nùnlé ɛ́ hɔ́ dìinì ɛ́ wi nin.

À sãawi à wóo cɛ mí kuò ɛ̀ dĩń hɔ́ ńdɛsĩ̀nlɔ́ biehĩ́ bierɔ́ hũn, ɛ̀ ɓáaníɓán àá hɔ́ bòo lɛ ɛ́ ɓɛ́ kɛ̀rɛa àá ɔ́. Ɛ́ kɛ̀amu á den wo ɛ́ dɛ̀ ɓɛ̀lɛ kɛ́ tĩɛ̀ ɛ́ hĩ̀iníkɛ àá hɔ́ bɔ̀berà kɛ̀ránlɔ́, á den wo ɛ́ dàń ɓɛ́pe lɛ ɛ́ wóo ɓɛ ɛ̀ wũ̀aní-ɛ ńwékhemù ɛ́ zɛ̃́ní ɛ̀ lɛ́ ɓà ǹ.

Ɛ́ Dɔfĩn zũnù hándí ɛ́ fɔ́ɓán à wé nìnbírɔ lɛ ɛ́ ńwékhemù dɔ̀ ɛ́ yá mi nin, iè hɔ̀ lɛ á te le Dɔfĩn zũnù bòo ɛ́ wóò húi. Ɛ́ sí iè hɔ̀pe á dàa yí fɔ́ɓán à wé nìnbírɔ lɛ yìe tú mí yɛ̀rɛ́, à yí fɔ́ɓán à wé nìnbírɔ lɛ tĩì sɔ tàá ɲɛ-khĩɛɓɛ̃́ tàá bencɛ̀, à lò yí fɔ́ɓán à wé nìnbírɔ lɛ ɛ́ hɛ̀ wɛ hɔ màa fúu ɛ́ á wóò wé hɔ́ lùwiè bòo ɛ̀ dàa yí hɔ́ wɛ̀. À sãawi à wé nìnbírɔ lɛ ɛ́ wóò pen ɓɛ̀ nɛ̀hãà ǹ, à wé nìnbírɔ lɛ ɛ́ wɛ hɔ̀ bɔ̀tente, à wé nìnbírɔ lɛ ɛ́ wóò wé hɔ́ bòo lɛ ɛ́ te mí yìe, nìnbírɔ lɛ ɛ́ cã̀aní, nìnbírɔ lɛ can dɛ̃̀ Dɔfĩn, nìnbírɔ le ɛ́ dɛ̀ míte ɛ́ wóò dàá.

Ɛ́ ɓɛ́pe nìkĩ́ɛ sɔ ɛ́ hɔ́rɔ ɛ́ sãawi à wé nìnbírɔ lɛ ɛ́ ńwékhemù ɛ́ mínɛ nin, à fɔ́ɓán à wé hɛ̃́-cóoní ɓàasɔ, ɛ̀ piè nìɛ ɛ́ fɔ́ɓán ɛ̀ ɓɛ̀ wé nìɛ lɛ ɲúuhɛ̃ ɛ́ cã̀aní, ɛ̀ nìnbirìe dàá bí dàń ɛ̀ bie nɛ ɓɛ́ wóò wekɛ kũ̀n tàá ɛ̀ ɓɛ̀ bí wé nìɛ lɛ ɛ́ yáà ɲí bòo wɛ̀.