Popular Bible Verses from Rɔmu Siè 12

Share

Mì bí wóo wé kɛ̀a lepe dímíɲɛ́ sɔ lɛ nìɛ wɛ̀. Kɛ́ mí fùansí Dɔfĩn nɛ Hɔ zɛ̀ní miɛ ɛ̀ Hɔ̀ lɛ́ bɔ̀dũmunù bɔ̀fĩɛ̀ miɛ ǹ, bòo lɛ ɛ́ wé ɛ̀ mì dũń hɔ́ bòo lɛ ɛ́ hɔ́pe Dɔfĩn ɛ́ wɛ, lɛ iè hɔ̀ bòo lɛ sãa, lɛ ɛ́ tĩ Hɔ̀ ǹ ɛ̀ hɔ̀ lò ɲunù ɛ́ tú.

Kìe zɛ̀ɓɛ̀, hɔ̀ lɛ ɛ́ Dɔfĩn ɛ́ wo mɛun kè miinɛ̀, ɛ́ nín mì hɛ̃nnin nɛ mí lɛ́ míte àá mí mɛkɛ̃nì hɔ̀pe Dɔfĩn kɛ̀a ie miyiɛ́ lɛ yìe wi, ɛ̀ mì bòo ɛ̀ sĩ̀ Hɔ̀ ǹ, ɛ̀ mì lò bòo ɛ̀ tĩìní Hɔ̀ ǹ. Ɛ́ sí iè pe bòo lɛ ɛ́ mí dàa fɔ́ɓán ɛ̀ mì wóo ɓàaní hɔ́pe Dɔfĩn.

Mì wɛní míte hɔ̀ bòo lɛ ɛ́ mí ɛ́ hìé àá ńdɛsĩ̀nlɔ́ bòo hũn, ɛ̀ mì wóo hè mì hũn hɛ̀rí kɛ́ mí wi lé lɔ̀nbiè hũn, ɛ̀ mì wóo cɛ mi kuò ɛ̀ hɛ̃un hɔ̀ Dɔfĩn.

Bí fùansí kɔ́te ǹ nɛ mu bɔ̀koohɔ́ ɛ́ yí pànkɛ́ kɔ̀ lɔ̀n wɛ̀. Kɛ́ kɔ́pe temu ɛ̀ yí pànkɛ́ hɔ̀ bɔ̀koohɔ́ lɔ̀n àá kɔ́ bɔ̀tente wénlɔ́.

Mì wɛní ɓán àá mí tĩɛ̀ míkùi mìpe àá mí nì-cóohɛ̃ kɛ̀a ie ɓɛ zɛ̀ɓɛ̀ bòo sí, ɛ̀ mì cɛ mi kuò ɛ́ wóo mɛndɛ̃ ɓán mìpe àá mí nì-cóohɛ̃.

Mì bí wóo wɛní ɓán àá yìe, kɛ́ mí wɛní ɓán àá bɔ̀bín. Mì lɛ́ nɛ hɔ́ bɔ̀koohɔ́ lɔ́kɔ́ ɛ̀ lé miɛ ǹ, kɛ́ hɔ́ bɔ̀tente iè pe ɛ́ mí wóo cɛ mí kuò ɛ̀ wé.

Kɛ́ hɔ́ ɓen ɛ́ wé yínin, lɛ kɛ́ hɔ́ dàa ɛ́ lé miɛ ǹ, ɛ̀ mì kań hũn-wiɛ̀ hũn àá ɓɛ́ nìnbirìe ɓɛ́kùi.

Kiè pàáɓɛ́ lɛ ɛ́ ń wɛ, mì bí wóo dì mì yúa mìte ǹ àá ɓɛ́ nìnbirìe lɛ wɔ́ miɛ àá bɔ̀koohɔ́ wɛ̀. Kɛ́ mí wóo fùansí nɛ Dɔfĩn tĩì ɛ̀ temu ɛ̀ cĩ̀ ɓà ǹ. Iè hɔ̀ lɛ ɛ́ Ɲunsɔ Dɔfĩn ɛ́ bie mí bienù vɛ̃hṹ hũn ɛ́ nɛ làa: «Ǹpe te hɔ yúa ɛ́ wóò dì, ɛ̀ ǹpe te ɓɛ nìnbirìe ɛ́ wóo khũ̀á sàaní, hɔ́rɔ àá bòo lɛ á dàa fɔ́ɓán.»

Mì hĩ́ní dìń hɔ́ tɔnlɔ́ hũn kɛ́ mí bí wé paariè wɛ̀. Mì tɛ́ á Ɲunsɔ tɔnlɔ́ àá mí tĩɛ̀ míkùi.

Lè hìi lɛ ɛ́ Dɔfĩn ɛ́ wɔ́ àá mi bòo hũn, ɛ́ nín bie lɛ́ miɛ ǹ mìkùi nɛ mí bí wóo hánbɛ́ ɛ̀ pɔní míte, kɛ́ mí wóo síɛní míte ǹ, ɛ̀ mì dũń bòo lɛ ɛ́ mí te dàa wi, hɔ́rɔ àá mí ńdɛsĩ̀nlɔ́ lɛ ɛ́ Dɔfĩn lɛ́ à ǹ.

Nìnbírɔ ɓen wɔ́ miɛ àá bɔ̀koohɔ́ ɛ̀ mì bí wóo wé bɔ̀koohɔ́ ɛ̀ mì khũ̀á wé àá ɓàasɔ wɛ̀. Mì wóo cɛ mi kuò ɛ̀ mì wé hɔ́ bɔ̀tente ɓɛ̀ nìnbirìe ɓɛ́kùi yìe hũn.

Mì lɛ́ nɛ mi ɲunù ɛ̀ wé dìcóoní. Mì bí wé yèncɛ̀riè, kɛ́ mí den wóo tɛ̀ ɛ̀ wóò kóo ɓánlɔ̀n àá ɓɛ́lɛ wóò síɛní ɓɛ́te ǹ. Mì bí wóo líi míte àá bɔ̀dũnbáa wɛ̀.

Á lò bĩniɛ bie ɛ́ nɛ: «Kɛ́ mì ńbíyanlé ɛ́ hɔ́ hĩni ɛ́ ɓé, ɛ̀ kɔ̀ lɛ́ hɔ́ bɔ̀díe ɔ̀ ǹ nɛ a dí; kɛ́ hɔ́ ɲɛ-hĩni ɛ́ ɔ̀ ɓé, ɛ̀ kɔ̀ lɛ́ hɔ́ ɲumu ɔ̀ ǹ nɛ a ɲu. Iè hɔ̀ lɛ kɛ́ kɔ́ ɓen ɛ́ wé kɛ̀amu, ɛ̀ hɔ̀ tan kɛ kɛ̀a dɔnfũà ɛ́ kɔ́ ɛ́ khui ɛ̀ yòó tièní àá ɔ́.»

Mì wóo dúɓɛ́ ɓɛ́ nìnbirìe lɛ ɛ́ mì lɔ̀n ɛ̀ biení ǹ; mì wóo dúɓɛ́ kɛ́ mí bí wóo dánkɛ́ní wɛ̀. Mì wóo wɛní míte àá ɓɛ́ nìnbirìe lɛ ɛ́ wɛ ɓɛ́te, ɛ̀ mì wóo wírí àá ɓɛ́ lɛ ɛ́ wírí.

Mì wóo sĩiní mì zɛ̀ɓɛ̀ ńdɛsĩ̀riè lɛ hɔ́ bòo pɔ, ɛ̀ ɓɛ̀ nìnbirìe lɛ ɛ́ wóò ɓen mì viì ɛ́ mí wóo pennin sãàní fúu.

Kèpe àá ké nì-cóohɛ̃, ɛ́ hɔrɔ́ ɛ́ tɛkɛ̀a ɛ́ iè dìcóoní; kɛ́ hɔ́pe tɛkɛ̀a ɛ́ den zɔn sankɛa àá mí dáahĩ́, ɛ́ dúrɔ ńdàanú àá mí tɔnlɔ́. Ɛ́ sí iè pe ɛ́ hɔ́ ɓiɛ̀ dɛ̃̀ kɛ̀amu, ɛ́ képe lɛ iè ɓɛ̀ nìnbirìe lɛ buò, ɛ́ dàa wɔ́ tɛkɛ-cóoní iè hɔ̀ lɛ ɛ́ ké can ɓán àá Kirisa. Ɛ́ ké iè pe wo cánɓán ɓán hũn kɛ̀a ie nìnbírɔ tɛkɛ̀a bòo lɛ ɛ́ hɔ́ dàa iè dìcóoní bòo sí.