Popular Bible Verses from Bɔ̀zɛ̃́níriè 8

Share

Ɛ́ hɔ́ lɛ á Pi-zuú ɛ́ kuie lè núnú ɲìnlén hùuɲulán, ɛ́ hɔ́ hóohũn ɛ́ hɛ̀ yòó wɔ́ hĩ́ɔɔn ɛ́ van dɛ̃un líɛrɛ́ dɛ̀kùi tĩ́ihṹ ɓà ńmàa.

Á hán mɛlɛkɛ ɛ́ zɔn pìɛ mí bũì; ɛ́ hóo sɛ̃̀nlɛ̀a àá dṹn àá cãani lɛ kánkɛa ɓán ɛ́ tɔ̀ siɛ lè sṹsùnù lɔ̀n. Ɛ́ lé sṹsùnù ńsankɛà hĩ̀tĩ ɛ́ san-cóoní ɛ́ cɛ̃̀, ɛ̀ hɔ̀ vɛ̃̀hɛ̃ ńsankɛà hĩ̀tĩ ɛ́ san-cóoní ɛ́ cɛ̃̀, ɛ̀ hɔ̀ ńɲíitiè ɛ́ cɛ̃̀ míkùi.

Ɛ́ ń bĩniɛ yòó húie ɛ́ ń mɔn ɔ̀ denɓenù dɔ̀ lɛ ɛ́ yòó ɛ́ yíe khíi sɔ́nsɔ́n hɔ́ hóohũn kɛ́ á ɛ́ bie àá tɛn-bɛhɔ́ ɛ́ nɛ làa: «Mì yìi ɓén mi hɔ! Mì yìi ɓén mi hɔ! Mì yìi ɓén mi hɔ! Mìpe sṹsùnù nìɛ, pɛ̃̀hṹ lɛ kɛ́ ɓɛ́pe mɛlɛkɛɓɛ bìɛ tĩ lɛ ɛ́ kɛ́ ɛ́ ɓen zɔn pìɛkɛa ɓɛ́ bũà!»

Á mɛlɛkɛ ńɲuunín ɛ́ zɔn pìɛ mí bũì; ɛ́ miikɛ dìɛ dɔ̀ lɛ dɛ̃̀ kɛ̀a ie ɓúkìe dɛ̀bɛhɔ́ lɛ ɛ́ zɛ̃un ɛ́ kuerɛ siɛ hɔ̀ ɲun-bɛhɔ́ hũn, ɛ́ hɔ́pe ɲun-bɛhɔ́ ńsankɛà hĩ̀tĩ ɛ́ san-cóoní ɛ́ wɔ́ cãani.

Á mɛlɛkɛ ńtĩnin ɛ́ zɔn pìɛ mí bũì. Ɛ́ ńpĩ́inàwiì dɛ̀bɛhɔ́ dɔ̀ lɛ ɛ́ cĩ̀ kɛ̀a ie hɔ dṹn pɔnù bòo sí ɛ́ kuerɛ siɛ hɔ̀ vṹuhɛ̃ ńsankɛà hĩ̀tĩ san-cóoní lɔ̀n àá hɔ́ ɲun-kɛ̃hĩ́ lɔ̀n. Lè ńpĩ́inàwiì sɔ yèrè ɛ́ ɓɛ́ nɛ bɔ̀hɛnù. Ɛ́ hɔ́ ɲumu ńsankɛà hĩ̀tĩ san-cóoní ɛ́ ɓɛrɛ hiɛ̀ ɛ́ ɓɛ́ nìnbí-kuì lɛ ɛ́ ɲun hɔ̀ ɛ́ húrunkɛ iè hɔ̀ lɛ ɛ́ hɔ́ hiɛ̀.

Á mɛlɛkɛ bìɛnɛ́lán ɛ́ zɔn pìɛ mí bũì. Ɛ́ lé wurù àá lé ńpĩ́ihṹ àá hɔ́ ńpĩ́inàwuò ńsankɛà hĩ̀tĩtĩ san-cóohɛ̃ ɛ́ hɔ́ zɔn nin fúu ɛ́ hɔ́ vĩ́iniɛ mí ńsankɛa hĩ̀tĩ san-cóohɛ̃ ńpiemu; ɛ́ lé wiɛhɔ́ ńsankɛà hĩ̀tĩ san-cóoní àá hɔ́ sṹnúhṹn ńsankɛà hĩ̀tĩ san-cóoní ɛ́ wo yí bĩní dàá ńpiemu wɛ̀.