Popular Bible Verses from Bɔ̀zɛ̃́níriè 6

Share

Ɛ́ nin húi à lɛ iè záatiɛ̀ dɔ̀ lɛ sɛ̃́hṹ dɛ̃̀ khũnunu. Àlɛ ɛ́ yòo ɔ̀ yèrè ɛ́ ɓɛ́ nɛ «húmú», ɛ̀ lè nìhiè lóo ɛ́ bɔ̀ pie máahṹ. Ɛ́ ɓɛ́ wo lɛ́ hɔ́ pànkɛ́ ɓà ǹ lè sṹsùnù ńsankɛ bɔ̀nbɔ̀ nɛ́ pelè san-cóoní lɔ̀n nɛ ɓɛ dàá ɓé ɓɛ́ nìnbirìe àá lé khɛ̃́n-tɔ́nú àá hɔ́ hĩni àá hɔ́ due-zìɛniriè, àá ɓɛ́ sṹsùnù mɛbìe.

Ɛ́ ń wo nin húi àlɛ iè záatiɛ̀ wì-puiè dɔ̀ ɛ́ temu ɛ́ ɓen. Àlɛ ɛ́ yòo ɔ̀ ɛ́ dàa tɛ̃́nú. Ɛ́ ɓɛ́ khie lɛ́ hɔ́ pànkɛ́ yínlɔ́ múnséré ɔ̀ ǹ, á wo khie cɔ́ àá hɔ́ miikɛ pànkɛ́ yínlɔ́ ɛ́ wo mii vɛ yí hɔ́ pànkɛ́.

Ɛ́ hɔ́ lɛ á Pi-zuú ɛ́ kuie lè núnú ɲìnlén hùanúlán, ɛ́ ń mɔn ɓɛ̀ nìnbiriè lɛ ɛ́ ɓɛ́ hàarí ɓɔ́ bɔ́hĩ́ lè miyiɛ́ leǹlén dúekéré fìi hũn; ɓɛ̀ hàarí ɓɔ́ ɓɛ́ lè Dɔfĩn bienù bòo hũn àá bòo lɛ ɛ́ peɓɛ̀ bɔ̀werà ɛ́ dàa hàarí ɛ́ hɔ̀ bɔ̀berà ɛ̀ zɛ̃́ní Dɔfĩn bòo hũn.

Ɓɛ̀ hàarí ɛ́ wũamɛkɛ cɛ̃̀un ɛ́ nɛ làa: «Kè Ɲunsɔ lɛ ɛ́ pɔ bòo míkùi, kɔ́ ɛ́ ce ɛ̀ kɔ̀ iè bɔ̀berà ɓàasɔ; ɛ́ kɔ́ ɛ̀ míi fúu ɛ̀ vɛ dɛ̃ wuàwurù ɛ̀ dàá lè ɓɛ̀pe sṹsùnù nìɛ liè ɛ̀ dàá dì kè yúa hɔ̀ bòo lɛ ɛ́ ɓɛ́ dàa ɓɔ́ kie bòo hũn?» Ɛ́ ɓɛ́pe àá ɓɛ́ nì-cóohɛ̃ ɛ́ hɔ́rɔ ɛ́ ɓɛ́ wóò lɛ́ lé pɔnkɔ̀-puiè nin, ɛ̀ ɓɛ̀ ɛ́ bie lɛ́ ɓà ǹ nɛ ɓɛ pɛ́wi kansí ɛ̀ ɓɛ̀ vũùní bìcínbóo, ɛ̀ ɓɛ̀ hié nɛ ɓɛpe ɓà ńtɛ́ɓánlɔ̀n nìɛ àá ɓá zɛ̀ɓɛ̀ lɛ ɛ́ ɓɛ́ sãawi ɛ̀ ɓɛ̀ ɓé kɛ̀a ie ɓɛpe, ɛ́ ɓɛ́ ɓé ɲunù vɛ tí.

Ɛ́ záatiɛ̀ wìɓuiɛ̀ dɔ̀ lɛ iè wìmiì kɛ̀a ie dṹn bòosí ɛ́ van ɓɛrɛ. Àlɛ ɛ́ yòo ɔ̀ ɛ́ ɓɛ́ lɛ́ hɔ́ pànkɛ́ nin nɛ a dàá leń lé hũn-wiɛ̀ ɛ̀ lé lé sṹsùnù lɔ̀n, bòo lɛ ɛ́ wé ɛ̀ ɓɛ̀ nìnbiriè ɛ̀ hĩ́ní ɓé ɓán. Ɛ́ ɓɛ́ wo khie lɛ́ lé khɛ̃́n-tɔ́nú dɛ̀bɛhɔ́ dɔ̀ ɔ̀ ǹ.

Iè hɔ̀ lɛ ɛ́ peɓɛ̀ tĩcĩ̀nín wurù dɛ̀bɛhɔ́ ɛ́ ɓɛrɛ dɛ̃un, ɛ̀ wie temu dɛ̀ ɛ́ dìń pehɔ̀ híɛhɔ́?

Ɛ́ nin húi ɛ́ ń mɔn ɔ̀ Pi-zuú kɛ́ á kuie lè núnú ɲìnlén hùiezĩ́nlán: ɛ́ lé sṹsùnù ɛ́ hɛ̀ siɛ zɛ̀ cɛ̃̀un. Ɛ́ lé wurù ɛ́ yòó wɔ́ dɛ̀biì kɛ̀a ie pɔnkɔ̀-bíi bòo sí, ɛ̀ lè ńpĩ́ihṹ míkùi ɛ́ yòó dɛ̃̀ kɛ̀a ie cãani; ɛ̀ hɔ̀ hóohũn ńpĩ́inàwuò ɛ́ tè siɛ lè sṹsùnù lɔ̀n kɛ̀a ie le ńluunù lɛ ɛ́ lé pĩnpin-bɛhɔ́ ɛ́ zɛ̀kɛ̀ní ɛ́ pelè biè bɔ̀bĩ̀ɛ ɛ́ tè siɛ bòo sí.

Ɛ́ hɔ́ lɛ á Pi-zuú ɛ́ kuie lè núnú ɲìnlén bɔ̀nbɔ̀tĩlán, ɛ́ ń ɲɛ́ kɛ́ ɓɛ́pe bìedɔ̀ sɔ lɛ yìe wi á bìɛtĩlán ɛ́ zɔn bie ɛ́ nɛ làa: «Ɓen!» Ɛ́ ń wo nin húi à lɛ iè záatiɛ̀ wìbíi ɛ́ temu ɛ́ ɓen. Àlɛ ɛ́ yòo ɔ̀ ɛ́ dàa bòo màatɛ̃́kɛlán dɔ̀ mí núnú hũn. Ɛ́ ń ɲɛ́ kɛ̀a bòo ɛ́ lé iè tɛmu dɔ̀ ɛ́ temu ɛ́ tɛ̀ ɓɛ̀pe bìedɔ̀ bìɛ nɛ́ sɔ lɛ yìe wi tĩ́ihṹ ɛ́ nɛ làa: «Sìe màatɛ̃́lán dìɛ yìn-cóoní ɛ́ wóò yɛ̀ àá wúsɔn-kùi tɔnlɔ́ sàanín, ɛ̀ berà màatɛ̃́lán dìɛ yìe-hĩ̀tĩ ɛ́ wóò yɛ̀ àá wúsɔn-kùi tɔnlɔ́ sàanín; kɛ́ hɔ́ yurɔ́ àá hɔ́ divɛ̃n yàamu ɛ́ kɔ́ bí hɛnin wɛ̀.»

Ɛ́ lé hóohũn ɛ́ yòó vṹnun lɔ́ yán kɛ̀a ie vɛ̃hṹ lɛ ɛ́ ɓɛ́ bun kóo ɓánlɔ̀n bòo sí, ɛ̀ hɔ̀ ɓúkùo àá hɔ́ vuò lɛ ɛ́ hɔ́ ɲun-bɛ̃hɛ̃ ɛ́ kíríkɛa nin ɛ́ khie lɔ́ ɓɛ́ dĩ̀nlénɓɛ̀. Ɛ́ lé sṹsùnù bɛ́zɛ̀ɓɛ̀ àá ɓɛ́ nì-bɛ̃hɛ̃ àá ɓɛ́ hĩtɛ́riè hándíe àá ɓɛ́ bòo ɓàasiè àá ɓɛ́ pànkɛ́ ɓàasiè àá ɓɛ́ wɔhĩ́ àá ɓɛ́pe lɛ ɛ́ te ɓɛ́te ɓɛ́kùi ɛ́ zɔ̀ van tànkɔ̀níkɛa ɓɛ́te lè lɛnù kṹuhɛ̃ àá hɔ́ ɓúkùo kṹuhɛ̃ hũn.