Popular Bible Verses from 2 Korɛnte Siè 6

Share

Mì bí wóo vɛ páa ɓán àá ɓɛ́ nìnbirìe lɛ yí ɓɛ́ ńdɛsĩ̀riè ɛ̀ wé kɛ̀a ɓɛ wɛ̀. Iè hɔ̀ lɛ ɛ́ ńkóoɓánlɔ̀n dúsɔ ɛ́ temu dɛ̀ ɛ́ yí hɔ́ bòo lɛ ɛ́ cã̀aní àá hɔ́ bɔ̀koohɔ́ tĩ́ihṹ? Tàá ńɓùo temu dɛ̀ ɛ́ lɛ́ ɛ́ hɔ́ ńpiemu àá hɔ́ síbínú ɛ́ dàa dɛ̀ ɛ́ kóo ɓánlɔ̀n?

Ɛ̀ hɔ̀ iè ńɓùo ɛ́ lé Dɔfĩn zũnù àá hɔ́ wɛ̃̀hɛ̃ ɛ́ dɛ̀ ɛ́ ɲí ɓánlɔ̀n? Iè hɔ̀ lɛ ɛ́ képe iè Dɔfĩn lɛ yìe wi zũnù kɛ̀a bòo lɛ ɛ́ hɔ́pe Dɔfĩn míte ǹ ɛ́ dàa bie hɔ̀ ɛ́ nɛ làa: «Ń ɓén zɔ àá ɓɛ́ ɛ̀ ǹ ɓén bèɓán àá ɓɛ́. Ń ɓén wé peɓɛ̀ Dɔfĩn ɛ̀ ɓɛ̀pe ɛ́ ɓiɛ̀ ɛ́ wé niǹ nìɛ.»

Ɛ́ sí iè hɔ̀pe ápe Ɲunsɔ ɛ́ dàa nɛ làa: «Ɛ́ mí zɔ lé peɓɛ̀ tĩ́ihṹ, ɛ̀ lɛ́ nɛ mi viì ɛ̀ niìní àá ɓɛ́. Mì bí wóo hɛ hɔ bòo lɛ lɔ̀n wɛ̀, Ɛ́ ńpe den ɛ́ fé miɛ ɛ́ sãàní. Ń ɓén wé mì Yàá, Ɛ̀ mìpe ɛ́ ɓiɛ̀ ɛ́ wé niǹ zɛ̀ɓɛ̀ àá niǹ hĩ́ini. Ɲunsɔ pànkɛ́ míkùi ɓàasɔ ɛ́ temu bie kɛ̀amu.»

Ńɓùo temu dɛ̀ ɛ́ lɛ́ á Kirisa àá ɔ́ Sitũanɛ ɛ́ dàa dɛ̀ ɛ́ ɲíɓán? Tàá ńɓùo á ńdɛsĩ̀rɔ ɛ́ dɛ̀ ɛ́ lènin àá ɔ́lɛ yí é ńdɛsĩ̀rɔ́?