Popular Bible Verses from 1 Piɛre 5

Share

Ɛ́ mí hũn-yenkɛà bòo míkùi ɛ́ mí huen ɛ̀ bè piè lɔ̀n iè hɔ̀ lɛ á ɛ́ mì bòo ɛ̀ húi.

Mì lɔ̀n ɛ́ ɓén bĩní be pɛ̃̀hṹ dìkíndíɛ hũn. Kɛ́ Dɔfĩn lɛ iè lè hiì míkùi ɓàasɔ ɛ́ den vɔn miɛ nɛ mi ɓen páaní kań mí ɓàarɔ́ lɛ ɛ́ yáa vé hũn mì ńcɛɓánlɔ́ àá Yiezu Kirisa bòo hũn. Ɛ́ Hɔ́pe míte ǹ ɛ́ ɓén hóoní miɛ ɛ́ yòó dĩ̀ní, ɛ̀ Hɔ̀ ɛ́ lɛ́ hɔ́ pànkɛ́ miɛ ǹ, ɛ̀ Hɔ̀ ɛ́ fɛ́sí miɛ ɛ́ dĩ̀ní ɛ́ sãàní, ɛ́ hɛ̀rí bòo dɔ̀ ɛ́ wo yá dàń miɛ ɛ́ yá zɛ̀kɛ̀níkɛ wɛ̀.

Mì piɛ̀ní mí yìe ɛ̀ mì wóo ɓaà mìte iè hɔ̀ lɛ ɛ́ mí ńbíyanle lɛ ɛ́ iè ɔ̀ Sitũanɛ ɛ́ bɛ́khíi kɛ̀a ie zànkɛ́wòohṹn lɛ ɛ́ wũamɛkɛ, ɛ́ ɔ̀ nìnbírɔ lɛ á mii ɛ̀ khã̀akɛ lɛ̀ ɛ̀ cɛ̀. Ɛ́ mí fɛ́sí dìń sãàní hɔ́ ńdɛsĩ̀nlɔ́ hũn ɛ̀ dàá pĩ́ piè bòo. Ɛ̀ mì dũń kɛ́ mì zɛ̀ɓɛ̀ lɛ ɛ́ wi le dímíɲɛ́ míkùi hũn ɛ́ ɓiɛ̀ lɔ̀n ɛ́ be kɛ̀amu.

Ɛ́ mí wóo síɛní míte ǹ hɔ̀ pànkɛ́ ɓàasɔ Dɔfĩn híɛhɔ́, bòo lɛ ɛ́ wé ɛ̀ Hɔ̀ den hóoní miɛ yòoní pɛ̃̀hṹ lɛ Hɔ́ wɛ hũn.

Ɛ̀ mìpe zɛ̀fùa, mì wóo ɲí ɓɛ́ mì nìkĩ́ɛ bòo, ɛ̀ mìpe mìkùi ɛ̀ wóo síɛníkɛ míte ɓán híɛhɛ̃, iè hɔ̀ lɛ ɛ́ hɔ́ den bie lè Dɔfĩn bienù vɛ̃hṹ hũn ɛ́ nɛ Dɔfĩn ɛ́ yáà tɛ̀ ɓɛ̀ nìnbirìe lɛ wóò ɓàaní míte ǹ bòo, kɛ́ Hɔ́ den wóò wé mí hiì àá ɓɛ́lɛ ɛ́ wóò síɛní ɓɛ́te ǹ.