Popular Bible Verses from ESAY 65

Share

Day ge mo so no, de maga á bay wo ɗe ndi ɗa ndi yiŋ jag ge go ne hara, á wo bay wãã wããre seŋ ndi laa jag ɓaara go tuu.

Werga ndi de ma joŋ ngel ma ciŋ ma defay wo de tamsir ma defay. Jobo fer ge ɗig ti ti re maga hay joŋ wo le go ti tĩĩgi wer mo gà so hase, day saara a ge ne jobo ti gà so has lay.

Á joŋ ge wo coo de koɗ koɗ gà so. Á biŋ gi wo weere maga à taw ra go gà so werga á joŋ ge wo diŋ wer jar maga Manwur de kaŋ bosaʼ ne hara ti mono, weere ɓaaran joŋ ge wo yaŋ see ɓaara.

Á bor ge wo tiŋ wo maga jobo ma tigriŋ kal go ɓil ɓaara gà so. Á peɗ ge wo koore yaŋ day je tigriŋ re ra go gà so. Jar mani ɓin jaw ge wo yaŋ doo koore wo nono day jar ɓi maga ndi hoo ra go joŋ ge wo fruygi yaŋ ti joŋre ma doo ɓaaran wo.

Wel ma ti pãã maga nà mbag day huu go tuu joŋ ge ni gà hase, je tããbe maga baa jag naw ɓen go gà joŋ ge ni gà lay. Werga, je maga huu gi kiŋgi kis diŋ je maga sen go klee has so mono, day je joŋ ɓlagge maga huu we kiŋgi kis mono, à riŋ gi ti ɓe ga á go de faɗge.

Way-baa wo de wesam koɗ ge wo yaŋ ti ngel po boŋ, mingir re ge fíi yaŋ doo day no lay. Rege cwe joŋ ge yaŋ diŋ ɓurgi. Jobo joŋ ge ɓlagge noga ɓlag ge mopo go ti húulì ɓi ma bay ɗagn gà hase. Manwur wãã nono.

Ɓil ɓi de see ɓi joŋ ge yaŋ go feh wer Jerusalem day jag ɓi caa feg yaŋ go wer jar ɓin wo lay. À laa ge sug roo noga war re ni gà so hase.