Popular Bible Verses from ESAY 6

Share

Ndi kal laa gẽẽge Waŋkluu de wããge ga : Ndi ɓoʼ ge nà diŋ wosela? Wose wo yaŋ ne naa la? Ndi kal yiŋ jag ga : Ndi la, ɓoʼ ndi!

Á hay wo riŋ kããra go jag ciŋ kloŋ kloŋ ga : Bay ɗage, bay ɗage, bay ɗage diŋ Manwur Pantway no! Tamsir ɓuy go de bagge de togoɗge ɓe no!

Doo kay nono ndi day so gana : Maga, ndi taw we go! Ndi go de yeege werga ndi diŋ je maga jag ɓi de ɓlagge, ndi de tiŋ nà yoo jar maga jag ɓaara de ɓlagge day nen ɓi ko Waŋ, Manwur Pantway mono.

Ti kiŋgi maga waŋ Osiyas huu mono, ndi raw ko Waŋkluu de hayle ti paale waŋ ma de gẽẽre ciŋ day jag õõbe ma ti ɓen hay baa wo ɓil tiŋ Baan go.

Se raw cog jag ɓi de ɓe day ga : Á cog mo go jag mono, debaycõõre ɓon go de maŋge, ɓlagge ɓon go de porge so.

Serafẽẽ hay wo de lagge ti ɓe. Graŋ wosela ɓuy yoo ɓaara hay hiiraʼ hiiraʼa : Ɓog diŋ ma yoŋ nen ɓaara, ɓog diŋ ma yoŋ ɓaale ɓaara, ɓog diŋ maga saara pud de ɓaara.

Ama Serafẽẽ po boŋ raw pudgi le nen see ɓi de jaŋre wùu maga se maŋn le de ɓogam ti ngel siɗ jagn doo kay.

Se day so ga : See, wo wii jar sen wo ga : Nday coʼ mbay sug tum, ama nday laa wer ne mopo gà hase! Nday kaŋ mbay nen ɓay taʼ taʼa, Ama nday daʼ wer ne mopo gà hase!

Hig jiili jar sen wo go, Dweɗ sug ɓaara go, Rãã nen ɓaara go nen maga nen ɓaara ko, Sug ɓaara laa, saara daʼ wer mopo le go jiili ɓaara, raw coo wo seele day à pẽẽ ra go nà wa.