Popular Bible Verses from TĨĨGI WERE 49

Share

Graw ma wããre jar yaʼ ge go see Juda hãã gà. Fen ma kaŋ nen ti je ɓod jag liŋgin yaʼ go see ɓaale ɓe hãã gà lay, hãã go ti wur maga Silo a ge mono, Day wer jar hoo ge wo sug yaŋ ti ɓe.

Josef diŋ jag doo koo ma de rumgi ga tĩĩ ti jeŋ bii maŋ, Doo ɓe lir le go ti kore. Jar waa jwag wo ne, jãɗ wo nen ɓe go, Á jwag wo wo de waa, ɓoʼ wo wǔy ɓe go

Ama toŋwaa ma ɓen bay deɓayge wa, Day doo ɓe de coɓge ngarmase, wer egre Baa ma de Egre mani Jakob no. Diŋ doo kay nono, ga á kol je koɗge, Kol húulì ma Israyel no. Kay ge ndo diŋ joŋre Baa mani pan ɓo no, Kaŋ ge bosaʼ mo ti diŋ joŋre je ma de Egre-Ɓuy no Bosaʼ maga a ge wo le ciŋ ti ngel ma ciŋ wo no, Bosaʼ maga a ge le gesiŋ nen bii no, Bosaʼ maga a ge wo le diŋ pãã ma gẽẽ weere wo.

Juda, ndo daʼge togoɗge ma hẽẽre ɓon wo yaŋ Ndo kaŋ ge doo ne jar hee ɓon wo gore. Jar ni pan ɓo leɗ ge wo monɗra yaŋ mo pele. Juda diŋ mingir ma jõõ. Ndo fer le de baa này jage, wel ɓi! Á goɗom de kõyõgre, á suu doo mingir nono, Doo man mingir nono : Wose urn yaŋ go ciŋ ne?

Ruben, ndo jag wel ɓi no, Egre ɓin wo de jag crew ma kiŋkiŋ ɗa no, Pel go tinoo caw, pel de baa wùu, Ndo diŋ blam bii ma yuugi giggigi. Mbe ane, ndo joŋ ge diŋ je ma pel taw gà. Ndo ɗii go ti fen suuli pan ɓo, Ndo kaŋ ɗag go ne ngel suuli ɓi see de ɗiigi ti ɓe.