Popular Bible Verses from LAAGE GO 2

Share

Baa kal laa ndumgi ɓaara no, kal ɗiggi ti tayge jag ɓe maga se hay tayn de Abraham, de Isag wo de Jakob mono. Baa kal ko jar Israyel wo, á kal ko decoo ɓaara.

Ge mbe go wolaŋ blam sen so mono, húulí kal baa waŋ Ejipte go, day jar Israyel wo mbaara jag ndumgi doo gebee sen lam no, jag ngarge jage. Ngarge jag se ma doo gebeen mokay la ɗii wo go hãã daʼ Baa.

De maga á gẽẽ go gẽẽ so mokay, á kal woge de ɓe ne may mani waŋ Farawoŋ no, se kal joŋge ɓe doo mbarga ɓe nono. Á kal kaŋ ɗúu ne hẽn ga Moyis, werga á kal wããge ga ndi naan le go nen bii.

May mani Farawoŋ wiin ga : Maŋ mbargan mokay no hã pãã ne hẽne, ndi poɗ mo yaŋ ge. Wãyn kal maŋ mbarga no, kal hã pãã ne hẽne.

May mani Farawoŋ kal age jag maarog Nil blumgi, kããre ɓen kal wo maŋ jeŋ bii. Nen ɓe kal ko kergen wo yoo fíiri-bii hãʼã, á kal ɓoʼ maygebe ɓe po wo maŋge ɓe.

De ngar ngel sen mokay Moyis joŋ kluu go so, á kal woge see hẽẽre ɓen wo, á ko joŋre maga á joŋ bon hẽẽre ɓen wo de ɓe de nen ɓe. Ti wurpo á kal ko je Ejipte po de mbar je Hebre po yoo hẽẽre ɓen wo. Á kal ko nen go ti ɓe degarra ɓuy, jobo bay caw wa. Se kal ʼwar je Ejipten go, raw yoŋge ɓe nen duguɗgi.