Popular Bible Verses from Abharuumi 5

Share

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya. Obhwigumiirisya nibhwo obhuchireetera ribhaasi, ribhaasi wone erichireetera obhwiyikanyo.

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito. Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

Woori, kwa okubha chibharirwe okubha abharengeresi imbere ya Nyamuwanga ku‑njira ya isagama ya Yeesu Kirisito, chimari chirichungurwa nage okusooka mu‑kuyaanwa ebhitiibha na Nyamuwanga.

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.