Popular Bible Verses from Abharuumi 14

Share

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru. Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

Omwanya gunu echirama, echirama inguru ya Raatabhugenyi Yeesu. Omwanya gunu echifwa, echifwa inguru ya Raatabhugenyi Yeesu. Kurwa ejo, chibhe nichirama amwi chibhe chifuuwe, eswe chiri bhaanu bhaaye.

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Kurwa ejo, chisige okuramurana, tari chiramure okusiga okukora choonechoone chinu echiyabhya amwi okugwisya omwikirisya oweejaasu.

Rwa kutyo Ebhikaame Ebhyeru ebhyayika ati, “Raatabhugenyi aayika ati, Chimari enirayira, bhuri muunu ariifukama imbere yaani, na bhuri muunu arinkusya kwa orurimi rwaye.” Kurwa ejo, bhuri umwi weeswe, ariibhagira omwene imbere ya Nyamuwanga.

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

Awe utari na obhuturo bhwonebhwone bhwa okuramura omukosi wa omuunu owundi. Omwami waaye niwe kaamenya araabha omukosi waaye akayire amwi atakayire. Mbe omukosi waaye arikora rwa kutyo jeenderwe, kwa okubha Raatabhugenyi Yeesu ari na obhuturo bhwa okumwimereegusyu abhega ˆnaakora kutyo.