Popular Bible Verses from Revelesen 12

Share

V'eti hir avhua kavsiv'i sena di Net Sivsiv m'a v'nen p'as avvrp'ep'ei. Ahavlap'as a silv'ienar kavm'ahu a ti apavram'a uaki.

Sarei, nrn nadl lil iamk arna nut eia ivr ti a, “Hilaha iv'i naran na ti Atua ipalev'la m'ertu, kav'i naran na nut huan m'a v'anuan Atuad, kav'i naran na nut huan a Kristuan. Sena ti atsran sera m'ertu imlen tv'ald arna nadep'. Hin imlanr arna nahn Atuad ren m'a lihat ha.

Laha, asran alkit lil a nadep'. Hin iv'i nmat trtarep', avr ti iv'i M'ertu Imlen M'ertu, kav'i a Sitan la ihap'il m'er m'ertu udlani arna nadep' ha. Hin asrani a nadep', hin m'er enselan udlani.

Sena si lera nakm, nut eia, parn ipap'as m'er m'ertu udlani avlak atlera. Usa, kam'i kvlak arna nadep' kavlak al nata, sena ti a Sitan itama sarei a nadep' asnm'i. Nln irer ihuadau, sena ti irndu ti naranan ip'hp'h uaki.”

Laha, avan naur arna nut eia. Hin a Maikel m'er enselan avan naur m'ei alkit, alkit lera m'er enselan avan naur m'er, v'eti ahavsiv'r.

Laha, alkit nln irer a tav'et lera, kadav'a a ti ipan naur m'er a natn uraur la avsapa v'nen huan Atua ha, kavvrp'ep'a v'nen p'asan a Iesu Kristu.

Laha, ala si lil iamk arna nut eia iv'iv'en sei, iv'i tav'et iamk iua neiel inep'a ti iv'i klusan. Nal iter a nv' tln, manu p'as iter arna ptn, iv'i msi inal lman iru (12). Tav'et lera itkar karn ti v'atn irer kavalau karn ti ipalev' sei.

Laha, ilev' a Natn dui la ipav'i Mlin na v'anu udlani arna nadep' ha. Ipaua napilaktan iv'i aian. Ilahml sarei, Atua ilev'lei iv'a eia asn napl p'asan. Sarei, tav'et iruh kadav'a arna nut kaka, arna nut Atua itendedp' sera m'lnen. Arna nut lera apamsnani napn iv'i 1,260.

Laha, nla si lil uraur ml arna nut eia iv'iv'en sei. Pavrni, iv'i alkit lil iamk im'iel, ptn isaru m'a kuman inal. Manu p'as isaru iter arna ptn udlani. Vlin iuserla nitla msi arna p'knaran kasrani a nadep'. Laha, alkit ip'tir arna nah tav'et la irn ti ipalev' sei ha, a ti ipahan a Natn ipalahml sarei naran ipaiak.

V'eti atu nil heia trvn lil iru a tav'et lera, a ti ipatetv kadav'a arna nut kaka arna m'lnen. Arna nut lera apamsnani arna naran iamk, m'a naran iru ml aranan, m'a pna naran, a ti alkit imaiari. Laha, alkit ilusran naui lil irarev' dan al navan, a ti ipav'ev'eluei. V'eti nadep' isr lm'a tav'et lera kurur navan kadrlm' udlen nauei la alkit ilusrani idan al navan hara.