Popular Bible Verses from Apocalipsis 6

Share

Ãmaĩrã ahesha pente kavaju ijuva, ĩãrẽ vapy'ia hee “manova”, haykueivi ou mano vekuare ẽvãpe'õ me'ẽãshu reta mbaikatu juka verãre urũrũndy hendape'õ ko yvy ĩãrẽ'õre ñyrãrõpe, ñymbahype, mbairasype, hareka mymba ñarõvare yvy'ĩãrẽ õivi.

Amaĩrã, ahesha pente kavaju tĩĩva. Hãrã ĩãrẽ vapy'ia veru ipope pente vyrapa, haivi me'ẽãshu pente tankare ñonoava, hareka õhẽkavi ñyrãrõivi hareka hykuaĩ õhẽkavijy verã ñyrãrõivi.

Avisha Ray peajy sello 5 hearã, ahesha altar'ipe jukahavare hykovekue Tũpa ĩñee rehe hareka mbeujyre hokava ñee rehe.

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare? Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi

Haivi õhejy pente kavaju pyntava, ĩãrẽ vapy'ia me'ẽhãshu mbaikatu heky verã pyavapy yvy ĩãrẽivi, hareka kuaretare opa ijuka verã, me'ẽãjyshu pente kyse marẽyva.

vãhẽ ara Tũpa hareka Avisha Ray jahe yryrehe verã, hãrã mba'etypo katu jepyhea.

Avisha Ray 6 sellohea pearã, ahesha iko yvyryryvasu. Kuarasy opa hũũ mondeava jyhasa'asype mondehava rãĩmi, hareka jasy turuvy rãĩmi pyta, hareka jasytatare opa oa vate araivi yvype, oava igo hovyteri'õ rãĩmi yvytu mytymo'ẽ hãka retarã.

Hãrã Avisha Ray peajy sello mbahapyhearã, mbahapyhea kuera'ia hei: Ei maĩhe! Ãmaĩrã ahesha pente kavaju hũũva, ĩãrẽ vapy'ia, ipopere pente mbapesahasepya. Ahendu urũndy kuerateri'iare mbyteivi pente ñee heiva: Ã'ẽ pente kilo trigo maĩrã mbahapy kilo avatiku'i pente ara mbyhepyapyva, tẽvã asaite hareka vino hepy avy hupi.

Hãrã ara syryjy ẽvaivi kuatia mbapu'ahajya rãĩmi, opaite yvyturusu hareka yy hỹmbey'õmi ẽvã rãĩmi yngaty rahajy. Hãma opaite tenta mburuvishare yvy'ĩãrẽ'õ opa ñemi yvykua hareka ita vasure ñanaipi'õ paũpi, opaite jokuehareare hareka opaiteva haimba jokuehareare, opa ñemi yvyturusu paũpe, hareka ita vasu ñanava paũpi.