Popular Bible Verses from Apocalipsis 14

Share

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

Hãme mbahapyhea Tũpa jokueva moña yngavare sapukerã hei: Ĩme'ẽ omombaiva mymba ñarõva hareka ha'ãnga hareka ñonoka syvare heshahe verã, maĩrã ipore, haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray. Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Haivi amaĩrã, aheshajy Avisha Ray ñymboy'ẽ ñana'õ Sionpe, haipe õĩ hãndi 144.000 ĩmereva Avisha Ray hee hareka Tuu hee mbyparava syvare.

Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.

Haivi ynga Tũpa jokueva moñarã, heijy: Oama, oama Babilonia tenta ojaimbava, opa myngauva tenta vasu retape pyrỹmyngaupya hoope potavaĩ.