Popular Bible Verses from Filipenses 2

Share

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi. Harekajy, avypo mbava heka ha'ei haikavishu verãvẽĩ, koñeĩ yngavare pevarã jyve.

Piko Cristo iko vekua rãĩmi hareka pijapo hai japo vekua rãĩmi

Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi, koñeĩ opa heky ijuhuvii hai rekova, japo ijuhuvi haiteiva jokuehareireva rãĩmi, oava kuareta rãĩmi. Hãrã ikoma kuareta rãĩmirã jyrojaã ijehe, ĩñee rẽndu manopeve, hai mano kurusure!

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Hãrã Tũpa vateve ñono opavaivi, haivi meẽshu pente tyree ẽvã opavare ĩãrẽ. Jesús heepe ĩñesushu verã opava ẽvã vate arapy, yvy'ĩãrẽ hareka yvy'ipe. Hareka opavare hei verã Jesucristo haiva Teja, õñemomba'e vasushu verã Tũpa Teru.

Opa mba'e pijapo pijetakavivape hareka pijakambava ryheve. Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare